ខេត្តរតនគិរី៖ សមត្ថកិច្ចបានឃាត់ខ្លួនជនសង្ស័យម្នាក់ពីបទចែកចាយ និងប្រើប្រាស់គ្រឿងញៀន កាលពីវេលាម៉ោង១៧ និង១០នាទីល្ងាចថ្ងៃទី៨ ខែមករា ឆ្នាំ២០១៦នៅត្រង់ចំណុចផ្លូវជាតិលេខ៧៨ មុខភោជនីយដ្ឋានរតនៈលីណា ស្ថិតក្នុងភូមិ អូរកន្សែង សង្កាត់ បឹងកន្សែង ក្រុង បានលុង ខេត្តរតនគិរី ។

ជនសង្ស័យម្នាក់នេះមានឈ្មោះ ហេង សម្បត្តិ ភេទប្រុស អាយុ២៣ ឆ្នាំ ជនជាតិខ្មែរ មានទីលំនៅសង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ មុខរបរ មិនពិតប្រាកដ ។ ដកហូតបាននៅវត្ថុតាងរួមមាន ម្សៅក្រាមពណ៍ ស ចំនួន ០១ កញ្ចប់តូច លុយខ្មែរចំនួន ៨១០០ រៀល (ប្រាំបីពាន់មួយរយរៀល )ទូរស័ព្ទដៃ មិត្តហ្វូន ៦៣០៣ ពណ៍ខ្មៅ ចំនួន ០១ គ្រឿង រួមនិងកាបូបដៃ ០១ផងដែរ ។

បច្ចុប្បន្នជនសង្ស័យកំពុងឃាត់ខ្លួននៅស្នងការដ្ឋាននគរបាលខេត្តរតនគិរី ដើម្បីបំពេញសំណុំរឿងបញ្ជូនទៅតុលាការតាមនិតិវិធីច្បាប់ ៕

ដោយ៖ អ៊ុច សាវុទ្ធ