ភ្នំពេញ៖រថយន្តធុនធំប្រភេទស្ទូចដឹកសសរ១គ្រឿងបេីកលឿនចាប់ហ្វ្រាំងមិនទាន់ក៏ជ្រុលបុកកន្ទុយរថយន្តដឹកទំនិញមួយគ្រឿងខណៈកំពុងបេីកឆ្លងផ្លូវបណ្តាលឱ្យខូច ខាត។ចំណែករថយន្តនេះមិនទាន់អស់ល្បឿនក៏ជ្រុលទៅបុកម៉ូតូសណ្តោងរ៉ឺម៉កដែល បេីកបរពីខាងក្រោយបណ្តាលឱ្យដាច់ជា២កំណាត់រួចបន្តធ្លាក់ផ្លូវចាក់សសរចោល។
ហេតុការណ៍នេះបានកេីតឡេីងកាលពីវេលាម៉ោង១២និង១០នាទីថ្ងៃត្រង់ ថ្ងៃទី២១ខែមីនា ឆ្នាំ២០២០ នៅចំណុចមុខខ្លោងទ្វារវត្តភ្នៀត តាមបណ្តោយមហាវិថីឈ្នះឈ្នះ ស្ថិតក្នុងភូមិស្រែជះ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានបានឱ្យដឹងថា មុនពេលកេីតហេតុគេឃេីញរថយន្តដឹកទំនិញ ពណ៌ខៀវ ពាក់ស្លាកលេខតាកែវ3A 0294 និងម៉ូតូសណ្តោងរ៉ឺម៉កបានធ្វេីដំណេីរតាមបណ្តោយផ្លូវបេតុង ក្នុងទិសដៅពីលិចទៅកេីតដោយរថយន្តបេីកខាងមុខចំណែក រ៉ឺម៉កនៅខាងក្រោយខណៈមកដល់ចំណុចកេីតហេតុក៏បេីកឆ្លងមហាវិថីឈ្នះឈ្នះបត់ទៅជេីង ។ ភ្លាមនោះស្រាប់តែមានរថយន្តប្រភេទស្ទូចដឹកដេីមសសរ ពណ៌លឿងដែល បើកតាមមហាវិថីឈ្នះឈ្នះក្នុងល្បឿនលឿនពីជេីងទៅត្បូងចាប់ហ្វ្រាំងមិនទាន់ក៏ជ្រុលបុកកន្ទុយរថយន្តដឹកទំនិញបណ្តាលឱ្យខូចខាតរួចជ្រុលទៅបុកម៉ូតូរ៉ឺម៉កបណ្តាល ឱ្យដាច់ជា២កណ្តាលរួចបន្តធ្លាក់ផ្លូវចាក់សសរចោល។តែសំណាងមិនមានមនុស្សរងរបួសក្នុងករណីនេះទេ។
ក្រោយមកសមត្ថកិច្ចបានចុះមកដល់ចំណុចកេីតហេតុនិងបានវាស់វែងយករថយន្តទាំង២គ្រឿងរួមទាំងរ៉ឺម៉កទៅរក្សាទុកនៅការិយាល័យចរាចរណ៍ជេីងគោករាជធានីភ្នំពេញរង់ចាំដោះស្រាយតាមច្បាប់នៅពេលក្រោយ៕សុខាសែនជ័យ
