ខេត្ដព្រះសីហនុ៖ យុវជនម្នាក់បាន សន្លប់ស្ដូកស្ដឹងនិងម្នាក់រងរបួសស្រាល នៅលើដងផ្លូវ ខណៈជិះម៉ូតូបុកគូទម៉ូតូ មួយគ្រឿងផ្សេងទៀត កាលពីវេលាម៉ោង ១០និង៣០នាទីយប់ថ្ងៃទី១០ ខែមករា ឆ្នាំ ២០១៦ នៅចំណុចសណ្ឋាគារឆ្នេរជលសា ក្រុងព្រះសីហនុ ស្ថិតក្នុងភូមិ៤ សង្កាត់ លេខ៤ ក្រុងព្រះសីហនុ ។
តាមសមត្ថកិច្ចនគរបាលចរាចរបានឱ្យដឹងថា នៅវេលាម៉ោងកើតហេតុខាង លើមានករណីគ្រោះថ្នាក់ចរាចរណ៍មួយ កើតឡើងបង្កដោយម៉ូតូមួយគ្រឿងម៉ាក ហុងដាសេ១២៥ ពណ៌ខ្មៅពាក់ ស្លាក លេខព្រះសីហនុ១C-៩២៧៤ បើកបរ ដោយឈ្មោះ យ៉ត ភេទប្រុស អាយុ១៧ឆ្នាំ មុខរបរសិស្ស មានទីលំនៅភូមិ២ សង្កាត់ លេខ៣ក្រុងព្រះសីហនុរងរបួសធ្ងន់(សន្លប់ នៅនឹងកន្លែង)មានអ្នករួមដំណើរជាមួយ ឈ្មោះ លឹម គ្រូច ភេទប្រុស អាយុ១៩ឆ្នាំ មានទីលំនៅភូមិ២ សង្កាត់លេខ៣ ក្រុង ព្រះសីហនុ រងរបួសស្រាល។
ជនរងគ្រោះជិះបុកគូទម៉ូតូមួយគ្រឿង ផ្សេងទៀតស្របទិសគ្នាម៉ាកអ៊ែប្លេដពណ៌ ទឹកមាសគ្មានស្លាកលេខ បើកបរដោយ ឈ្មោះពៅ កុម្ភៈ ភេទប្រុស អាយុ៣៣ឆ្នាំ ជាបុគ្គលិកសណ្ឋាគារសុខា មានទីលំនៅ ភូមិ២ សង្កាត់លេខ៣ ក្រុងព្រះសីហនុ រង របួសស្រាល ។
តាមប្រភពពីសាក្សីបានបញ្ជាក់ថា នៅមុនកើតហេតុគេបានឃើញម៉ូតូម៉ាក អ៊ែប្លេដជិះម្នាក់ឯង បើកក្នុងទិសដៅពី តោពីរទៅផ្សារលើក្នុងល្បឿនយឺតៗ ប៉ុន្ដែ មកដល់ចំណុចកើតហេតុស្រាប់តែមានម៉ូតូមួយគ្រឿងទៀតម៉ាកហុងដាពណ៌ខ្មៅ ជិះគ្នា២នាក់ក្នុងល្បឿន ក្នុងទិសដៅស្រប គ្នាជាមួយម៉ូតូម៉ាកអ៊ែប្លេតជ្រុលទៅបុក គូទម៉ូតូម៉ាកអ៊ែរប្លេដពេញទំហឹងបណ្ដាល ឱ្យសន្លប់ខ្លួនឯងឯអ្នកជិះពីក្រោយរងរបួស ស្រាល ។
ក្រោយពេលវាស់វែងរួចមកសមត្ថកិច្ចនគរបាលចរាចរបានដឹកយកម៉ូតូទាំង២ គ្រឿងទៅកាន់ការិយាល័យចរាចរណ៍ផ្លូវ គោកដើម្បីដោះស្រាយនៅពេលក្រោយ ៕
ដោយ៖ ឆ្លាមសមុទ្រ
