ភ្នំពេញ៖ សម្ដេចអគ្គមហាសេនាបតីតេជោហ៊ុនសែនបានមានប្រសាសន៍ថាចំពោះប្រជាពលរដ្ឋ ខ្មែរ ចំនួន ១៥០នាក់ដែលកំពុងនៅក្នុងប្រទេសម៉ាឡេស៊ីហើយបានត្រៀមលក្ខណៈក្នុងការធ្វើដំណើរតាមយន្តហោះមកកាន់ប្រទេសកម្ពុជាវិញនោះ សម្តេចថ្លែងថា ដោយក្នុង កាលៈទេសៈ នេះគឺប្រទេសម៉ាឡេស៊ីបានផ្អាកជើងហោះហើរដូច្នេះហើយក៏សូមមានការយោគយល់ពីប្រជាពលរដ្ឋកម្ពុជាដែលកំពុងតែនៅទីនោះ នឹងសូមឲ្យមានការស្ងប់ស្ងាត់និងនៅមួយកន្លែងដើម្បីរងចាំនូវវិធានការថ្មីរបស់ប្រទេសម៉ាឡេស៉ីជាបន្តទៀត។
សម្តេចបានថ្លែងថា៖ ប្រទេសជិតខាងគេបិទអស់គ្រប់គ្នាអស់ ចឹងកម្ពុជាបិទធ្វើអីបើគេបិទអស់ហើយ មិនខុសពីគ្រួសារមួយក្នុង១ឡាន បងប្អូនបិទម៉ាស់អស់ហើយ នៅសល់តែក្មេងស្រីម្នាក់មិនបិទម៉ាស់ ព្រោះគ្រួសារគាត់ពាក់ម៉ាស់អស់ហើយហ្នឹង៕

ដោយ៖ សុខ ខេមរា