ក្របខ័ណ្ឌបាល់ទាត់កំពូលរបស់ប្រទេសអ៊ីតាលីគឺ Serie A នឹងត្រូវបានអនុញ្ញាតឱ្យក្លិបទាំងអស់វិលត្រឡប់ទៅហ្វឹកហាត់ជាលក្ខណៈបុគ្គលនៅថ្ងៃទី៤ ខែឧសភា និងការក្រុមនៅថ្ងៃទី១៨ ខែឧសភាបន្ទាប់ពីនាយករដ្ឋមន្រ្តីអ៊ីតាលីបានប្រកាសពីជំហានដំបូងក្នុងការលុបចោល បំរាមទាំងឡាយក្នុងវិស័យបាល់ទាត់ដោយសារការរីករាយរាល់ដាលវីរុសកូរ៉ូណា ។

ការប្រកួតដណ្តើមពានរង្វាន់ Serie A អាចនឹងចាប់ផ្តើមឡើងវិញនៅចន្លោះថ្ងៃទី២៧ ខែឧសភាដល់ថ្ងៃទី២ ខែមិថុនាដោយមានកាលបរិច្ឆេទបញ្ចប់សម្រាប់រដូវកាលដើមខែសីហាឆ្នាំនេះ ។

ទោះយ៉ាងណាក៏ដោយមិនទាន់មានការប្រកាសជាផ្លូវការណាមួយស្តីពីលទ្ធភាពនៃពេលវេលាដែលក្របខ័ណ្ឌ Serie A អាចនឹងចាប់ផ្តើមឡើងវិញនោះទេ ។

ប្រទេសអ៊ីតាលីរហូតមកដល់ពេលនេះមានអ្នកស្លាប់ថ្មីចំនួន២៦០នាក់ ដែលជាចំនួនអ្នកស្លាប់ប្រចាំថ្ងៃទាបបំផុតចាប់តាំងពីថ្ងៃទី១៤ ខែមីនា មក ៕

ដោយ៖ ភិរក្ស