ពិធីបុណ្យសពស្វាមីរបស់អ្នកស្រី Celine Dion ម្ចាស់បទចម្រៀង My Heart Will Go On គឺលោក Rene Anglil នោះនឹងត្រូវប្រព្រឹត្តឡើងនៅក្នុងវិសាលវិហារ Montreal ទីកន្លែងដែលគូស្វាមី ភរិយាទាំងពីរបានរៀបអាពាហ៍ពិពាហ៍កាលពីឆ្នាំ១៩៩៤ ព្រមទាំងរៀបចំពិធីបុណ្យស្ថិតនៅព្រះវិហារ Notre Dame Basilica ប្រទេសកាណាដា ផងដែរកាលពីថ្ងៃទី១៥ ខែមករា ឆ្នាំ២០១៦ ។
កាលពីថ្ងៃទី១៤ ខែមករា ឆ្នាំ២០១៦ លោក Rene Anglil ស្វាមីរបស់នាង Celine Dion ម្ចាស់បទចម្រៀង My Heart Will Go On ក្នុងរឿងទីតានិចដ៏ល្បីល្បាញនោះបានបាត់បង់ជីវិតបន្ទាប់ពីមានជំងឺរ៉ាំរ៉ៃជាយូរមកហើយ ។
លោក Rene Anglil បានទទួលមរណៈភាពត្រឹមរយៈពេល២ថ្ងៃ ក្រោយខួបកំណើត អាយុ៧៤ឆ្នាំ ។ លោក Rene Anglil មានជំងឺមហារីកជាយូរមកហើយ ដោយក្រុមវេជ្ជបណ្ឌិតមិនអាចជួយសង្គ្រោះបានឡើយ ។
នៅលើបណ្តាញទំនាក់ទំនងសង្គមហ្វេសប៊ុករបស់នាង Celine បានសរសេរថា៖ “នៅក្នុងភាពសោកសៅដ៏ជ្រាលជ្រៅ លោក Rene Anglil បានទទួលមរណៈភាព កាលពីព្រឹកមិញនេះ នៅឯបុរីក្នុងក្រុង Las Vegas បន្ទាប់ពីលោកបានតស៊ូពុះពារ ជាមួយនឹងជំងឺមហារីកជាយូរមកហើយ។ ក្រុមគ្រួសារទាំងមូល នឹង កាន់ទុក្ខជាលក្ខណៈឯកជន ដោយព័ត៌មានផ្សេងៗទៀត ពួកយើងនឹងជូនដំណឹងនៅរយៈពេល ២-៣ថ្ងៃក្រោយ”។
នាង Celine ធ្លាប់បាននិយាយប្រាប់ ក្មុងកម្មវិធីទូរទស្សន៍ថា៖ “ស្វាមីនាងខ្ញុំគាត់មិនអាចប្រើមាត់របស់គាត់បានទេ ដូច្នេះខ្ញុំបញ្ចុកអាហារគាត់តាមបំពង់ ចំនួន៣ដងក្នុង១ថ្ងៃ ដែលខ្ញុំធ្វើវាច្រើនជាង បញ្ចុកកូនរបស់ខ្ញុំទៅទៀត និងថា លោក Rene Anglil ធ្លាប់បាននិយាយប្រាប់ថា ចង់ស្លាប់នៅក្នុងរង្វង់ដៃរបស់នាង ។
លោក Rene Anglil បានលាចាកលោក ដោយបន្សល់ទុក កូនភ្លោះ ឈ្មោះ Eddy និង Nelson អាយុ៥ឆ្នាំ និងកូនប្រុស ឈ្មោះ René-Charles Jr អាយុ ១៥ឆ្នាំ ៕
ប្រែសម្រួល៖ ថាច់ យ៉ាត
