ក្លិបជើងឯក អ៊ីតាលី Juventus បានកំពុងចរចាជាមួយនឹងក្លិបអ្នកមានបុណ្យ Barcelona ដើម្បីដោះដូរកីឡាករម្នាក់គឺ Miralem Pjanic ដែលបច្ចុប្បន្នកំពុងនៅ Juventus ដូរជាមួយកីឡាករ Arthur Melo កំពុងនៅ Barcelona ។
កន្លងមកបិសាចក្រហម Man United បានបង្ហាញក្តីសង្ឃឹមថា នឹងអាចធានាដល់ការ ដោះដូរយកកីឡាករ Pjanic ជាផ្នែកមួយ នៃការចរចាយក Paul Pogba ទៅឲ្យJuventusវិញ។ ប៉ុន្តែក្លិបសេះបង្កង់បែរជាចាប់អារម្មណ៍ទៅលើកីឡាករ១រូបរបស់ក្លិបយក្សអេស្ប៉ាញនេះទៅវិញ។
កីឡាករវ័យ៣០ឆ្នាំ Pjanic អាចនឹងបង្ហាញខ្លួននៅកីឡាដ្ឋាន Nou Camp របស់ក្លិបអ្នកមានបុណ្យ នៅរដូវកាលក្រោយ បន្ទាប់ពីជួយឲ្យ Juventus លើកពានរង្វាន់លីគ ក្នុងស្រុកដល់ទៅ ៣ដងជាប់គ្នារួចមក៕

ដោយ៖ ភិរក្ស