ភ្នំពេញ៖ យ៉ាងហោចណាស់ក៏មានមនុស្សប្រុសចំនួន២នាក់បានស្លាប់ភ្លាមៗយ៉ាងអាណោចអាធម៌ និងម្នាក់ទៀតរបួសធ្ងន់ធ្ងរដោយសារតែពួកគេជិះម៉ូតូ២គ្រឿងព្រលះគ្នាពេញទំហឹង កាលពីវេលាម៉ោង៩ និង២០នាទី យប់ ថ្ងៃទី១៧ ខែកមរា ឆ្នាំ២០១៦ នៅចំណុចមុខសាសនាចក្រនៃព្រះយេស៊ូគ្រីស្ទ តាមបណ្តោយផ្លូវបេតុង ភូមិដីថ្មី សង្កាត់ភ្នំពេញថ្មី ខណ្ឌសែនសុខ។

ជនរងគ្រោះដែលស្លាប់ទី១ឈ្មោះគង់ ណារិទ្ធ ហៅស្រអែម ភេទប្រុសអាយុ៤២ ឆ្នាំ  ស្នាក់នៅភូមិដំណាក់ សង្កាត់ក្រាំងធ្នង់ ខណ្ឌសែនសុខ ជិះម៉ូតូម៉ាកបាចា ពណ៍ខៀវ ពាក់ស្លាកលេខភ្នំពេញ1AG 7647 និងម្នាក់ស្លាប់ទី២ឈ្មោះវៃ ផល ភេទប្រុស អាយុ៤៣ឆ្នាំ ស្នាក់នៅភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ ចំណែកម្នាក់ទៀតដែលរបួសនៅមិនទាន់ស្គាល់ឈ្មោះនៅឡើយទេ អ្នកទាំងពីរជិះម៉ូតូម៉ាកឌ្រីមសង់ ស៊េរីឆ្នាំ២០១៥ ពណ៍ខ្មៅ ពាក់ស្លាកលេខភ្នំពេញ1FD-0469 ។

តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញបុរស២នាក់​ជិះម៉ូតូម៉ាកឌ្រីមសង់ ឌុបគ្នាធ្វើដំណើរក្នុងទិសដៅពីលិចទៅកើតខណៈមកដល់ចំណុចកើតហេតុស្រាប់តែមានបុរសម្នាក់ជិះម៉ូតូម៉ាកបាចា ក្នុងទិសដៅពីកើតទៅលិច ក្នុងល្បឿនលឿនក៏ជ្រុលបុកគ្នាចំពីមុខពេញទំហឹង បណ្តាល​ឲ្យម្ចាស់ម៉ូតូបាចាដួលបោកស្លាប់ភ្លាមៗនៅកន្លែងកើតហេតុយ៉ាងអាណោចអាធម៌ ។ ចំណែកម្ចាស់ម៉ូតូហុងដាឌ្រីមសង់ របួសធ្ងន់ធ្ងរត្រូវបានរថយន្តសង្គ្រោះដឹកទៅមន្ទីរពេទ្យ តែដោយអកុសល់ឈ្មោះវៃ ផល់ ដោយសារតែស្ថានភាពរបួសធ្ងន់ពេកក៏បានស្លាប់ពេលបញ្ជូនទៅមន្ទីរពេទ្យ។

ក្រោយពេលកើតហេតុសមត្ថកិច្ចបានចុះមកដល់ចំណុចកើតហេតុ និងសហការជាមួយជុំនាញធ្វើកាលវាស់វែងយកម៉ូតូទាំង២គ្រឿងទៅរក្សាទុកនៅការិយាល័យចរាចរណ៍ជើងគោករាជាធានីដើម្បីរងចាំដោះស្រាយពេលក្រោយ ។ ចំណែកសពសមត្ថកិច្ចបានទំនាក់ទំនងទៅក្រុមគ្រួសារមកទទួលយក​ទៅធ្វើបុណ្យតាមប្រពៃណីនៅស្រុកកំណើត៕

ដោយ៖ តុង សីហា