ជនជាតិចិនបើករថយន្តឆ្លងផ្លូវមិនប្រយ័ត្នត្រូវម៉ូតូជិះបុករបួសធ្ងន់ស្រាល ៣នាក់

ចែករំលែក៖

ភ្នំពេញ៖ បុរសជនជាតិចិនម្នាក់ស្រវឹងស្រាបើករថយន្តបត់ឆ្លងផ្លូវខ្វះការប្រុងប្រយ័ត្នត្រូវម៉ូតូជិះបុកពេញទំហឹងបណ្តាលឱ្យរបួសធ្ងន់ស្រាលមនុស្សប្រុសស្រី ៣នាក់។

ហេតុការណ៍នេះកើតឡើងកាលពីវេលាម៉ោង ១២និង ២០នាទី​ រំលងអធ្រាត្រឈានចូលថ្ងៃទី ១៧ ខែឧសភាឆ្នាំ២០២០នៅចំណុចមុខហាងមីហិឹរ តាមបណ្តោយមហាវិថីសហព័ន្ធរុស្ស៊ី ក្នុងសង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។

តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញបុរសជនជាតិចិនម្នាក់បើករថយន្តមួយគ្រឿងម៉ាកហីុយ៉ាន់ដាយស្តារិុច ពណ៌សពាក់ស្លាកលេខភ្នំពេញ2O-6284ធ្វើដំណើរក្នុងទិសដៅពីកើតទៅលិច លុះមកដល់ចំណុចកើតហេតុខាងលើបានបត់ឆ្វេងដៃឆ្លងទៅផ្លូវបេតុងម្ខាងទៀតដោយខ្វះការប្រុងប្រយ័ត្នក៏ត្រូវម៉ូតូមួយគ្រឿងម៉ាកហុងដាឌ្រីមស៊េរីឆ្នាំ ២០១៧ ពណ៌ខ្មៅពាក់ស្លាកលេខតាកែវ1N-6852បើកបរដោយយុវជនម្នាក់រួមដំណើរជាមួយនារីពីរនាក់ទៀតធ្វើដំណើរបញ្ច្រាសទិសដៅគ្នាពីកើតទៅលិចចាប់ហ្វ្រាំងមិនទាន់បុកចំទ្វាររថយន្តខាងមុខចំហៀងខាងស្ដាំពេញទំហឹងបណ្ដាលឲ្យអ្នកបើកបរម៉ូតូរងរបួសធ្ងន់ ចំណែកស្ត្រីពីរនាក់រួមដំណើររងរបួសស្រាល ។

បន្ទាប់មករថយន្តសង្គ្រោះបន្ទាន់បានដឹកជនរងគ្រោះបញ្ជូនទៅសង្គ្រោះនៅឯមន្ទីរពេទ្យភ្លាមៗ។រីឯអ្នកបើកបររថយន្តបង្កបម្រុងបើកចេញពីកន្លែងកើតហេតុត្រូវបានបងប្អូនជាពលរដ្ឋជួយឃាត់បានភ្លាមៗតែត្រូវបុរសជនជាចិនខាងលើចុះមកស្រែកឡូឡារករឿងបងប្អូនជាពលរដ្ឋក៏ដូចជាសមត្ថកិច្ចមូលដ្ឋានដែលចុះទៅទៅសួរនាំ។

ក្រោយកើតហេតុសមត្ថកិច្ចមូលដ្ឋានបានទំនាក់ទំនងទៅសមត្ថកិច្ចជំនាញចុះមកដល់ ហើយភាគីបង្កសូមធ្វើការសម្របសម្រួលជាមួយភាគីរងគ្រោះដោយខាងភាគីបង្កបានចេញសំណងថ្លៃខូចខាតនិងព្យាបាលជនគ្រោះដើម្បីបញ្ចប់រឿងនៅកន្លែងកើតហេតុ៕ដោយ៖សុខា សែនជ័យ​

...


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print