ខេត្តស្វាយរៀងៈ ប្រុសស្រី៣នាក់មានស្លាប់និងរងរបួសធ្ងន់ស្រាលដោយសារគ្រោះថ្នាក់ចរាចរណ៏រវាងម៉ូតូនិងម៉ូតូបត់ឆ្វេងខ្វះការប្រុងប្រយត្ន័បង្កការភ្ញាក់ផ្អើលដល់អ្នកភូមិទាំងព្រឹក។
ហេតុការណ៏នេះបានកើតឡើងកាលពីវេលាម៉ោង៥និង៥០នាទីព្រឹកថ្ងៃទី ១៨ ខែ ឧសភា ឆ្នាំ ២០២០ លើផ្លូវជាតិលេខ ១៣ ស្ថិតក្នុងភូមិពភ្លា សង្កាត់សង្ឃ័រ ក្រុងស្វាយរៀង ។
បើតាមសមត្ថកិច្ចនគរបាលក្រុងស្វាយរៀងបានឱ្យដឹងថាបុរសដែលជិះម៉ូតូបត់ឆ្វេងខ្វះប្រុងប្រយត្ន័មានឈ្មោះគឹម ឡៃ អាយុ ៦៩ ឆ្នាំ មុខរបរ ជាកសិករ រស់នៅភូមិពភ្លា សង្កាត់សង្ឃ័រ ក្ក្រុងស្វាយរៀងជិះម៉ូតូម៉ាកស៊ុយសូគីស្មាស់
ពណ៌ខ្មៅ ពាក់ផ្លាកលេខ ស្វាយរៀង ១B ២៩៧៩ ។
ចំណែកភាគីរងរបួសធ្ងន់ស្រាលមានឈ្មោះឈ្មោះ យិន ហឿនវុទ្ធី ភេទប្រុស អាយុ ១៩ ឆ្នាំ មុខរបរ កម្មកររោងចក្រ រស់នៅភូមិ គោកស្រម៉ ឃុំសង្កែ ស្រុករំដូល ខេត្តស្វាយរៀងនិងអ្នករួមដំណើរឈ្មោះឥន សំណាង ភេទស្រី អាយុ ៣៨ ឆ្នាំ មុខរបរ កម្មកររោងចក្រ រស់រស់នៅភូមិឃុំជាមួយគ្នា។
បើតាមអ្នកភូមិបានឱ្យដឹងថាមុនកើតហេតុមានបុរសម្នាក់បានជិះម៉ូតូមួយគ្រឿងម៉ាកម៉ាកស៊ុយសូគីស្មាស់
ពណ៌ខ្មៅ ពាក់ផ្លាកលេខ ស្វាយរៀង ១B ២៩៧៩ ក្នុងទិសដៅ ពីជើងទៅត្បូង មិនពាក់មួកសុវត្ថិភាព ហើយក៏បានបត់ឆ្វេងខ្វះការប្រុងប្រយត្ន័ក៏ត្រូវម៉ូតូមួយគ្រឿងម៉ាកហុងដាសេ១២៥ ពណ៌ ខ្មៅ ពាក់ផ្លាកលេខ ស្វាយរៀង ១J ៤៤៧៨ ជិះគ្នា២នាក់ចាប់ហ្វ្រាំងមិនទាន់បុកពីក្រោយពេញទំហឹងបង្កការភ្ញាក់ដល់អ្នកភូមិតែម្ដង។
ក្រោយមកសមត្ថកិច្ចចរាចរណ៏បានវាស់វែងនិងអូសយកមធ្យោបាយធ្វើដំណើរទាំងពីររក្សាទុកនៅ ការិយាល័យចរាចរណ៍ ខេត្តស្វាយរៀង ដោយឡែក អ្នករបួសសម្រាកព្យាបាលនៅមន្ទីរពេទ្យខេត្តស្វាយរៀង ចំណែកអ្នកស្លាប់ត្រូវបានប្រគល់ជូនក្រុមគ្រួសារ ធ្វើបុណ្យតាមប្រពៃណី ៕យឹម សុថាន
