ឥណ្ឌាជាប្រទេសមានពលរដ្ឋច្រើនជាងគេបំផុតលំដាប់ទីពីរនៅពើពិភពលោកកំពុងប្រឈមការឆ្លងរាលដាលកូវីដ១៩ ខ្លាំងឡើង អាចក្លាយជាសម្បុកកូវីដ១៩ ក្នុងពេលឆាប់ៗខាងមុខ។
នាយករដ្ឋមន្ត្រី ឥណ្ឌា លោកNarendra Modi នៅថ្ងៃទី៣១ ខែឧសភា បានប្រកាសថា ពលរដ្ឋឥណ្ឌា ចាំបាច់ត្រូវតែ បង្កើនការប្រុងប្រយ័ត្នឲ្យបានខ្ពស់បំផុត ដោយចំនួនអ្នកឆ្លងកើនឡើងជាថ្មី។ ក្រសួងសុខាភិបាលឥណ្ឌា កាលនៅថ្ងៃទី៣១ខែឧសភា ក៏បានប្រកាសផងដែរថា ចំនួនអ្នកឆ្លងកូវីដ១៩ ក្នុងរយៈពេល២៤ម៉ោង កន្លលមកមានដល់ទៅ ៨៣៨០ នាក់ ធ្វើឲ្យចំនួនអ្នកឆ្លងសរុបកើនឡើងដល់ ១៨២ ១៤៣ នាក់ និងមានអ្នកស្លាប់កើនឡើង ដល់ ៥១៦៤ នាក់។
នាយករដ្ឋមន្ត្រីឥណ្ឌា លោកម៉ូឌីបានបញ្ជាក់ថា «សង្គ្រាមប្រឆាំងកូវីដ១៩ កាន់តែតានតឹង យើងមិនត្រូវធ្វេសប្រហែសឡើយ។ នៅពេលនេះរដ្ឋាភិបាលក៏បានសម្រេច ពន្យាពលគ្រាមានអាសន្ន រហូតដល់ថ្ងៃទី៣០ខែមិថុនា ។ ទន្ទឹមនឹងនោះក៏បានអនុញ្ញាឲ្យ ភោជនីយដ្ឋាន ព្រះវិហារបើកទ្វារឡើងវិញនៅថ្ងៃទី៨ ខែមិថុនា ប៉ុន្តែត្រូវតែគោរពទៅតាមច្បាប់គម្លាតសង្គម និងការពារខ្លួនឲ្យបានល្អបំផុត៕
