ភ្នំពេញ៖ កាលពីថ្ងៃទី១៩ ខែមករា ឆ្នាំ២០១៦ នៅមន្ទីរពេទ្យព្រះកេតុមាលា មានរៀបចំពិធីបំពាក់មេដាយថ្នាក់សហ មេត្រី អស្សឫទ្ធិ និងបណ្ណសរសើរជូនវេជ្ជ បណ្ឌិតអ្នកឯកទេសកងទ័ពរំដោះប្រជាជន ចិន ក្រោមអធិបតីភាពលោកនាយឧត្ដម សេនីយ៍ ស៊ុំ សំណាង អគ្គនាយក អគ្គនាយក ដ្ឋាន ភ័ស្ដុភារ ហិរញ្ញវត្ថុក្រសួងការពារ ជាតិ ព្រមទាំងមានវត្ដមាននាយទាហាន បុគ្គលិកមន្ទីរពេទ្យជាច្រើនរូបទៀត ។
ដោយឡែកលោកវរសេនីយ៍ឯក ជូ ចៀនមិន សាកលវិទ្យាធិការរងកងទ័ពទី២ កងទ័ពរំដោះប្រជាជនចិន ក៏មានវត្ដមាន នៅក្នុងឱកាសនោះដែរ ។
លោកឧត្ដមសេនីយ៍ឯក វេជ្ជបណ្ឌិត លី សុវណ្ណ អគ្គនាយករង អគ្គនាយកដ្ឋាន ភ័ស្ដុភារ-ហិរញ្ញវត្ថុក្រសួងការពារជាតិ និងជានាយកមន្ទីរពេទ្យព្រះកេតុមាលា បានលើកឡើងពីសមិទ្ធផលនានារបស់ មន្ទីរពេទ្យដែលសម្រេចបានក្នុងរយៈពេលពេញមួយឆ្នាំ២០១៥ ដោយមានក្រុម វេជ្ជបណ្ឌិតឯកទេសមន្ទីរពេទ្យឆានចឹង បានមកបំពេញបេសកកម្មមនុស្សធម៌ នៅមន្ទីរពេទ្យព្រះកេតុមាលាបង្ហាត់ បង្ហាញគ្រូពេទ្យមុខជំនាញឯកទេសដូច ជា ជំងឺបេះដូង , ក្រពះពោះវៀន , វះកាត់ ឆ្អឹងខ្នង , វះកាត់ទូទៅ*, វះកាត់បេះដូង , ទ្រូង ខួរក្បាល និងជំនួយការទូទៅ ។ ឆ្នាំ២០១៥ ដោយមានកិច្ចសហប្រតិបត្ដិ ការល្អ រវាងក្រសួងការពារជាតិនៃប្រទេស ទាំង២កម្ពុជា-ចិន មន្ទីរពេទ្យព្រះកេតុ មាលាទទួលបានម៉ាស៊ីន ទំនើបៗ ដូចជា MRIE DSA ម៉ាស៊ីន បំបែកក្រួសក្នុង តម្រង់នោម , ម៉ាស៊ីនដាក់ ថ្នាំសណ្ដំ , ម៉ាស៊ីនដកដង្ហើម , ម៉ាស៊ីនលាង ក្រពះ , ម៉ាស៊ីន Laparoscope និងម៉ាស៊ីន Minimized invasivesurgery ដែលមាន តម្លៃ២លាន៥សែនដុល្លារ ។
លោកវរសេនីយ៍ឯក ជូ ចៀនមិង បាន សម្ដែងមោទនភាពចំពោះចំណងសាមគ្គី ភាព មិត្ដភាព កិច្ចសហប្រតិបត្ដិការរវាង មន្ទីរពេទ្យទាំង២ កម្ពុជា-ចិន ត្រូវបាន ពង្រឹងពង្រីក និងចែករំលែកបទពិសោធន៍ ការងារ ក៏ដូចជាបង្ហាញសិល្បៈ វប្បធម៌ បច្ចេកទេសពីសាកលវិទ្យាល័យកងទ័ព ទី២ ។ ក្រុមវេជ្ជបណ្ឌិតឯកទេសទី៥នឹងមក បំពេញភារកិច្ចប្រកបដោយឆន្ទៈមោះមុតក្នុងបេសកកម្មរយៈពេលមួយឆ្នាំនាពេល ខាងមុខ ដោយបង្កើនទំហំព្យាបាលបង្កើន ធនធានមនុស្ស ឯកទេសថ្មីៗ លើកកម្ពស់ សមត្ថភាពព្យាបាលជូនយោធិនរបួសជំងឺ និងប្រជាពលរដ្ឋកម្ពុជាកាន់តែប្រសើរឡើង ថែមទៀត ។
លោកនាយឧត្ដមសេនីយ៍ ស៊ុំ សំណាង ជំនួសមុខថ្នាក់ដឹកនាំក្រសួងការពារជាតិ បានថ្លែងអំណរគុណចំពោះបក្ស រដ្ឋាភិបាល កងទ័ពរំដោះប្រជាជនចិននិយាយរួម និងនិយាយដោយឡែកក្រុមវេជ្ជបណ្ឌិត ឯកទេសទី៥ដែលត្រូវបន្ដបេសកកម្ម មនុស្សធម៌ ក្នុងការជួយសង្គ្រោះព្យាបាល អ្នករបួស ជំងឺ ក្នុងមន្ទីរពេទ្យព្រះកេតុមាលា ជាមន្ទីរពេទ្យកងទ័ពមានការអភិវឌ្ឍគ្រប់ ហេដ្ឋារចនា សម្ព័ន្ធ ព្យាបាលយោធារបួស ជំងឺ និងប្រជាពលរដ្ឋប្រកបដោយកិច្ច សហប្រតិបត្ដិការ និងការទទួលខុសត្រូវ ខ្ពស់ ព្រមទាំងផ្ដល់នូវមធ្យោបាយសម្ភារ ជាបន្ដបន្ទាប់ ធ្វើឱ្យមន្ទីរពេទ្យមួយនេះមាន ការរីកចម្រើនគួរឱ្យកត់សម្គាល់ ។ សព្វ ថ្ងៃត្រូវបានទទួលចំណាត់ថ្នាក់ប្រសើរក្នុង ការព្យាបាល អ្នករបួស-ជំងឺ ក្នុងព្រះរាជា ណាចក្រកម្ពុជា ។ ទាំងនេះដោយសារកិច្ច សហប្រតិបត្ដិការល្អរវាងក្រសួងការពារ ជាតិនៃប្រទេសទាំង២ផងដែរ ។
ក្នុងឱកាសនោះ គណៈអធិបតីក៏បាន បំពាក់មេដាយជូនដល់ក្រុមវេជ្ជបណ្ឌិត ជំនាញឯកទេស ដែលមានស្នាដៃក្នុង បេសកកម្ម អន្ដរជាតិប្រកបដោយស្មារតី ទទួលខុសត្រូវខ្ពស់លើវិជ្ជាជីវៈរបស់ខ្លួន ៕
ដោយ៖ សុខដុម
