ខេត្តបន្ទាយមានជ័យ ៖ លោក លី សារី អភិបាលរងខេត្តបន្ទាយមានជ័យបានមានប្រសាសន៍ក្នុងកិច្ចប្រជុំពិភាក្សានិងដោះស្រាយផលប៉ះពាល់ជាមួយពលរដ្ឋនិងអ្នកពាក់ព័ន្ធនៅសាលាខេត្តនាថ្ងៃទី៩ ខែមិថុនាថា: សាលាខេត្តមានគម្រោងសាងសង់ពហុកីឡដ្ឋានឬស្តាតខេត្តបន្ទាយមានជ័យស្ថិតនៅម្តុំភ្នំដូងព្រះសង្កាត់អូរអំបិលនិងភ្នំខ្លាកូនចាស់សង្កាត់កំពង់ស្វាយកណ្តាលក្រុងសិរីសោភ័ណ។
លោកថា គម្រោងនេះអាចពង្រីកទំហំដីពី៥,៥ហិកតានៅជំហានដំបូង ទៅដល់១៣ឬ រហូតលើស២០ហិតានោះ ក៏កើនផលប៉ះពាល់នឹងពលរដ្ឋប្រមាណ៣៥គ្រួសារដែលមានដីចម្ការ ដីលំនៅឋានឬសំណង់ទាំងតំបន់ការ្យទាំងពួង ដីគោកខ្មោច(ដីកប់សពតាមសាសនាព្រះពុទ្ធ សាសនាគ្រឺស្ទនិងបែបជំនឿសែស្រឡាយចិន) រាប់រយជាដើម។យើងនឹងត្រូវបានបញ្ចប់ការងារដោះស្រាយទាំងស្រុង នៅសល់តែ៣ករណីត្រង់ដីផ្នូរកប់សព១ករណី និងដីលំនៅដ្ឋានក្នុងបរិវេណគម្រោងអិវឌ្ឍន៍២ករណី។ប៉ុន្តែមកទល់ពេលនេះ មន្ត្រីក្រុមការងារគ្រប់ថ្នាក់ បានដោះស្រាយផលប៉ះពាល់ រួមទាំងការបើកផ្លូវទទឹង២០ម ចំនួន៣ខ្សែដំបូងៗ ជាមួយពលរដ្ឋបានភាគច្រើនហើយ។
លោកអភិបាលរងបញ្ជាក់ទៀតថា បងប្អូនពលរដ្ឋមួយចំនួនដែលកំពុងស្ទះការដោះស្រាយផលប៉ះពាល់មាន
១/ករណីសំណល់អន្តរាគមន៍លើផ្នូរសពនៅសល់ចំនួន២កន្លែង ដែលពុំទាន់ទទួលយកសំណងស្ថិតនៅសង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ។
២/ឈ្មោះ បាន សុភាព ស្នើសុំប្តឹងអន្តាគមន៍ លើករណី ឈ្មោះ តាន់ គឹមហួត តំណាងឲ្យក្រុមហ៊ុន ធ្វើបង្គោលរបងនិងយកសំណាញ់លួសមកហ៊ុំព័ទ្ធលើដីរបស់ពួកគាត់ ស្ថិតនៅសង្កាត់ អូរអំបិលនិង សង្កាត់ កំពង់ស្វាយ ក្រុងសិរីសោភ័ណ។ ៣/តាំង ម៉េងហុងនិង ប្រពន្ធឈ្មោះ អ៊ីវ ធារ៉ា ស្នេីសុំអន្តាគមន៍ចំពោះ ក្រុមហ៊ុន អ៊ី អិល អេច (ខេមបូឌា)ឌីវេឡមេន ដែលបានឈូសឆាយរំលោភលើដីកម្មសិទ្ធិ របស់គាត់ អស់ ទំហំ ៣០មx៤០ម នៅភូមិអូរអំបិល សង្កាត់ អូរអំបិល និងសង្កាត់ កំពង់ស្វាយ កក្រុងសេរីសោភ័ណ។
យ៉ាងណាបងប្អូនពលរដ្ឋ បាននិយាយថា: គម្រោងអភិវឌ្ឍន៍របស់រដ្ឋនេះ ពួកគាត់គាំទ្រនិងចូលរួមអនុវត្តជាមួយអាជ្ញាធរនិងសមត្ថកិច្ច តែសូមឲ្យបើកចំហ ទទួលការដោះស្រាយនូវផលប៉ះពាល់ជាមួយពលរដ្ឋដោយត្រង់ទៅត្រង់មកនិងជាក់ស្តែងចំពោះមុខដោយទៅថ្ងៃមុខកុំក្រឡាស់កែប្រែឡើយ៕ដោយ÷ប្រាថ្នា
