ភ្នំពេញ៖ ជនសង្ស័យម្នាក់ ត្រូវកម្លាំងនគរបាលប៉ុស្តិ៍ទឹកថ្លាឃាត់ខ្លួនក្រោយពីរូបគេបានលួងលោមស្ត្រីម្នាក់ បានទាំងខ្លួនហើយបោកយកម៉ូតូយកទៅលក់ទៀត ។
ករណីឃាត់ខ្លួនជនសង្ស័យខាងលើនេះ បានកើតឡើងកាលពីវេលាម៉ោង៨យប់ថ្ងៃទី៩ ខែមិថុនា ឆ្នាំ២០២០ នៅចំណុចមុខផ្ទះលេខ២៣ ផ្លូវរថភ្លើង ភូមិទឹកថ្លា សង្កាត់ទឹកថ្លា ខណ្ឌសែនសុខ ។
ជនសង្ស័យមាន ឈ្មោះ ប៉ាង សុភ័ក្ត្រា ភេទប្រុស អាយុ៤០ឆ្នាំ ជនជាតិខ្មែរ មុខរបរគ្មាន ស្នាក់នៅមិនពិតប្រាកដ (មានសារធាតុញៀន )។ចំណែកជនរងគ្រោះមានឈ្មោះ ស្រុន ណាត ភេទស្រី អាយុ៤០ឆ្នាំ ជនជាតិខ្មែរ មុខរបរលក់ដូរ ស្នាក់នៅផ្ទះជួល ផ្លូវរថភ្លើង ភូមិទឹកថ្លាសង្កាត់ទឹកថ្លា ខណ្ឌសែនសុខ ។
លោក សុខ សុផល នាយនគរបាលប៉ុស្តិ៍ទឹកថ្លា បានឲ្យដឹងថា៖ នៅមុនពេលកើតហេតុ ជនសង្ស័យនឹងស្ត្រីរងគ្រោះមានទំនាក់ទំនងគ្នារយៈពេល៤ថ្ងៃឈានដល់រឿងស្នេហាស៊ីជំរៅ ក្រោយមកជនសង្ស័យបានយកម៉ូតូរបស់ស្ត្រីខាងលើទៅបញ្ចាំហើយពេលស្ត្រីរងគ្រោះសួររកម៉ូតូស្រាប់តែជនរងគ្រោះប្រាប់ថាយកលុយចំនួន៤៥០ដុល្លារមក ដើម្បីទៅយកម៉ូតូមកវិញ ។ពេលបានម៉ូតូស្ត្រីខាងលើ បានសួរនាំរឿងលុយចំនួន៤៥០ដុល្លារស្រាប់តែជនសង្ស័យខឹងក៏ស្ទុះទៅយកកាំបិតបុ័ងតោប៉ុនប៉ងកាប់ស្ត្រីរងគ្រោះ ពេលនោះស្រ្តីរងគ្រោះបានរាយការណ៍ប្រាប់សមត្ថកិច្ចឲ្យឃាត់ខ្លួនឲ្យតែម្តង។
សម្ភារបាត់បង់លុយដុល្លា៤៥០ដុល្លា ។ សម្ភារៈន្សល់ទុកកាំបិតបុ័ងដោ០១ ។
បច្ចុប្បន្នជនសង្ស័យកំពុងឃាត់ខ្លួនបណ្ដោះអាសន្ន នៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី៕ដោយ៖ ចន្ទ លីហ្សា
