ខេត្តសៀមរាប៖ កម្លាំងកងរាជអាវុធហត្ថខេត្ត ចាប់ឃាត់ខ្លួនមេខ្លោងគ្រឿងញៀន និងបក្ខពួកចំនួន២៦នាក់ រួមទាំងវត្ថុតាងជាច្រើនទៀត បញ្ចូនទៅតុលាការ ដើម្បីចាត់វិធានការតាមច្បាប់ នៅថ្ងៃទី២៥ខែមករានេះ។
ប្រតិបត្ដិការបង្ក្រាបជនសង្ស័យទាំងនេះ ធ្វើចាប់ពីថ្ងៃទី២២ដល់ថ្ងៃទី២៤ខែមករា ស្ថិតនៅតាមតំបន់ផ្សេងៗគ្នាក្នុងក្រុងសៀមរាប ដែលដឹកនាំដោយលោកវរសេនីយឯក ស្រី យូរ៉ា មេបញ្ជាការប៉េអឹមរងខេត្ដសៀមរាប ខណៈពួកគេកំពុងធ្វើការចែកចាយតាមផ្លូវសាធារណៈ ។
លោកអនុសេនីយ៍ ធាវ ច័ន្ទតារា នាយការិយាល័យកងរាជអាវុធហត្ថប្រឆាំងគ្រឿងញៀនខេត្តបានឲ្យដឹងថា មេខ្លោងជួញដូរគ្រឿងញៀននោះ មានឈ្មោះសួសភីរម្យ ភេទប្រុស អាយុ៣១ឆ្នាំមុខរបរលក់ថ្នាំញៀន រស់នៅភូមិវិហារចិន សង្កាត់ស្លក្រាម(ជួញដូរ)និងបក្ខពួកដែលសរុបទាំងអស់២៦នាក់។
បច្ចុប្បន្នជនសង្ស័យចំនួន២៦នាក់ រួមទាំងវត្ថុតាង កម្លាំងជំនាញបញ្ចូនទៅតុលាការនៅព្រឹកថ្ងៃទី២៦ខែមករាឆ្នាំ២០១៦នេះ ដើម្បីចាត់ការតាមច្បាប់៕
ដោយ៖ ជានិរន្ដរ៍
