ភ្នំពេញ៖ កីឡាករកីឡាការិនីចំបាប់ កម្ពុជា៣នាក់ហ្វឹកហាត់ត្រៀមដើម្បីទៅចូលរួមប្រកួតវគ្គជម្រុះកីឡាអូឡាំពិក នៅប្រទេសកាហ្សាក់ស្ថាននាខែមីនា ឆ្នាំ២០១៦ខាងមុខនេះបើតាមការឱ្យ ដឹងពីលោក ធិន វិចិត្រ អគ្គលេខាធិការ សហព័ន្ធកីឡាចំបាប់កម្ពុជាកាលពីថ្មីៗ កន្លងទៅ ។
អគ្គលេខាធិការរូបនេះបានបន្ដទៀតថា កីឡាករកីឡាការិនីទាំង៣នាក់ដែល ត្រូវបញ្ជូនទៅចូលរួមនៅក្នុងវគ្គជម្រុះ កីឡាអូឡាំពិកនោះមានកីឡាការិនី២ នាក់, ទី១កីឡាការិនី ចូវ សុធារ៉ា ប្រកួត ក្នុងប្រភេទទម្ងន់៤៨គីឡូក្រាម, ទី២កីឡា ការិនី នី សំណាង ប្រកួតក្នុងប្រភេទទម្ងន់ ៥៣គីឡូក្រាម និងទី៣កីឡាករងួន មករា ប្រកួតក្នុងប្រភេទទម្ងន់ប្រហែល៧០ គីឡូក្រាម ។
លោកបានបន្ដទៀតថា សម្រាប់ការ បញ្ជូនកីឡាករកីឡាការិនីទាំង៣នាក់ទៅចូលរួមប្រកួតវគ្គជម្រុះនេះ គឺកីឡាករ ងួន មករា និងកីឡាការិនី ចូវ សុធារ៉ា ទទួលបានការឧបត្ថម្ភពីសំណាក់គណៈ កម្មាធិការជាតិអូឡាំពិកកម្ពុជា រីឯកីឡា ការិនី នី សំណាង សហព័ន្ធកីឡាចំបាប់ កម្ពុជាអ្នករ៉ាប់រងថ្លៃចំណាយទាំងស្រុង ។
គួររំលឹកថា កីឡាករកីឡាការិនីចំបាប់ កម្ពុជាត្រូវបញ្ជូនទៅចូលរួមប្រកួតវគ្គ ជម្រុះកីឡាអូឡាំពិកក្នុងនោះកីឡាការិនីចូវសុធារ៉ាធ្លាប់ទៅចូលរួមម្ដងរួចហើយ រីឯកីឡាការិនី នីសំណាង និងកីឡាករ ងួន មករាវិញ គឺជាលើកទី១ ប៉ុន្ដែអ្នកចំបាប់ ២នាក់នេះធ្លាប់ឈ្នះមេដាយជើងឯក កីឡាចំបាប់យុវជនអាស៊ី ។ សម្រាប់ កម្ពុជាមានតែលោក វ៉ាត់ ចំរើន ម្នាក់ ប៉ុណ្ណោះគឺជាបុគ្គលទី១របស់កម្ពុជាធ្លាប់បានចូលរួមប្រកួតនៅក្នុងឆ្នាំ១៩៩៦ នៅអាត្លង់តា ៕
ដោយ៖ សារីម
