ភ្នំពេញ៖ ជនសង្ស័យមួយក្រុមមានគ្នា៤នាក់ជិះម៉ូតូ២គ្រឿងមកធ្វេីសកម្មភាពឆក់យកកាបូបស្ពាយពីស្ត្រីកម្មការិនីរោងចក្រម្នាក់តែមិនបានសម្រេចនោះទេបណ្តាលឱ្យដួលម៉ូតូរងរបួសធ្ងន់ហេីយជនសង្ស័យបានគេចខ្លួនបាត់ស្រមោល។
ហេតុការណ៍នេះបានកេីតឡេីងកាលពីវេលាម៉ោង៦និង៥០នាទីព្រឹកថ្ងៃទី៣ ខែកក្កដា ឆ្នាំ២០២០ នៅតាមផ្លូវបេតុង ក្នុងភូមិព្រៃព្រីងត្បូង២ សង្កាត់ចោមចៅ៣ ខណ្ឌពោធិ៍សែនជ័យ ។
ស្ត្រីរងគ្រោះឈ្មោះ គឹម ទូច អាយុ៣៩ឆ្នាំ មុខរបរកម្មកររោងចក្រ ស្នាក់នៅបន្ទប់ជួលក្នុងសង្កាត់ចោមចៅទី៣ ខណ្ឌពោធិ៍សែនជ័យ មានស្រុកកំណេីតនៅខេត្តកំពត។
ប្រភពព័ត៌មានបានឲ្យដឹងថា មុនពេល
កេីតហេតុស្ត្រីរងគ្រោះជិះម៉ូតូម៉ាកធូដេ
ពណ៌ក្រហម ធ្វេីដំណេីរចេញពីផ្ទះជួលបំណងទៅធ្វេីការ ប៉ុន្តែភ្លាមនោះស្រាប់តែមានជនសង្ស័យមានគ្នា៤នាក់ជិះម៉ូតូ២គ្រឿងមកពីក្រោយហេីយបានឆក់យកកាបូបស្ពាយពីជនរងគ្រោះតែមិនបានសម្រេចឡើយហេីយបានជិះម៉ូតូគេចខ្លួនបាត់បណ្តាលឲ្យជនរងគ្រោះដួលម៉ូតូរងរបួសធ្ងន់ត្រូវបានរថយន្តសង្គ្រោះរបស់អង្គភាព៧១១ កងពលតូចលេខ៧០ ដឹកបញ្ជូនទៅមន្ទីរពេទ្យបង្អែកពោធិ៍ចិនតុង ៕ដោយ សុខាសែនជ័យ
