តាមការចេញផ្សាយរបស់ BBC Sport បានបង្ហាញពីទីផ្សារដោះដូរកីឡាករ-គ្រូបង្វឹកមួយចំនួនដែលអាចកើតឡើង ឬក៏អាចជាពាក្យចចាមអារ៉ាម។ យោងតាមការចេញផ្សាយខាងលើ “គេហទំព័រនគរវត្ត” សូមធ្វើការបង្ហាញពីទីផ្សារដោះដូរកីឡាករ-គ្រូបង្វឹកនៅតំបន់អឺរ៉ុបសម្រាប់សប្តាហ៍នេះដូចខាងក្រោម៖

១-ក្រុមហង្សក្រហម Liverpool ត្រូវបានគេរាយការណ៍ថាបានឈានមុខគេលើក្រុម Manchester City ក្នុងការប្រជែងយកខ្សែការពារកណ្តាលសេណេហ្គាល់ Kalidou Koulibaly វ័យ២៩ឆ្នាំដោយផ្តល់ជូនខ្សែការពារសញ្ជាតិក្រូអាតDejan Lovren វ័យ៣០ឆ្នាំជាការដោះដូរ។

២-នាយកប្រតិបត្តិក្លឹប Inter Milan លោក Giuseppe Marotta មានប្រសាសន៍ថា ក្លឹបកំពុងស្ថិតក្នុងការចរចាសំរាប់ខ្ចីជើង Borussia Dortmund កីឡាករ Achraf Hakimi ខណៈដែលកីឡាករម៉ូរ៉ូកូរបស់ Real Madrid វ័យ២១ឆ្នាំរូបនេះជិតផ្លាស់ទៅលេងនៅ Serie A ។

៣-ក្រុមតោខៀវ Chelsea កំពុងចរចាជាមួយអ្នកចាត់ការទូទៅក្លឹប Ajax លោក Erik ten Hag ដែលបានលើកឡើងថាខ្សែការពារសញ្ជាតិអាហ្សង់ទីន Nicolas Tagliafico និងអ្នកចាំទីជម្រើសជាតិកាមេរូន Andre Onana វ័យ២៤ឆ្នាំ អាចចាកចេញពីក្លឹបនៅរដូវក្តៅនេះខណៈដែលខ្សែបម្រើហូឡង់វ័យ២៣ឆ្នាំ Donny van de Beek ដែលជាគោលដៅរបស់ក្រុមបិសាចក្រហម Manchester United ក៏អាចនឹងឈានដល់គោលដៅចរចាគ្នាដែរ ។

៤-ក្រុម Manchester City នឹងចុះហត្ថលេខាលើខ្សែប្រយុទ្ធអេស្ប៉ាញ Pablo Moreno វ័យ១៨ឆ្នាំរបស់ក្លឹប Juventus ក្នុងកិច្ចព្រមព្រៀងដោះដូរកីឡាករជាមួយខ្សែបំរើស្លាបសញ្ជាតិព័រទុយហ្គាល់ឈ្មោះ Felix Correia មានវ័យ១៩ឆ្នាំ។

៥-ក្លឹប Inter Milan កំពុងពិចារណាលក់ខ្សែការពារសញ្ជាតិស្លូវ៉ាគី Milan Skriniar វ័យ២៥ឆ្នាំនៅរដូវក្តៅនេះជាមួយក្រុម Manchester City ក្នុងចំណោមអ្នកដែលចាប់អារម្មណ៍។ ខ្សែប្រយុទ្ធសញ្ជាតិអាហ្សង់ទីន Sergio Aguero វ័យ៣២ឆ្នាំអាចជាផ្នែកមួយនៃកិច្ចព្រមព្រៀងដែលអាចកើតមានដែរ។

៦-លេចឮដំណឹងថាក្លឹប Benfica ចាប់អារម្មណ៍ក្នុងការតែងតាំងអតីតគ្រូបង្វឹក Tottenham Hotspur លោក Mauricio Pochettino ជាអ្នកចាត់ការថ្មីរបស់ពួកគេ។ បុរសវ័យ៤៨ឆ្នាំរូបនេះមិនមានក្លឹបណាទាក់ទងចាប់តាំងពីខែវិច្ឆិកាឆ្នាំមុនមកម្ល៉េះ។

៧-កីឡាករសញ្ជាតិកូឌីវ័រ និងអតីតខ្សែប្រយុទ្ធរបស់ក្លិបតោខៀវ Chelsea ឈ្មោះ Salomon Kalou វ័យ៣៤ឆ្នាំដែលផុតកុងត្រានៅឯក្លឹប Hertha Berlin នៅចុងបញ្ចប់នៃរដូវកាលនេះគឺជិតនឹងយល់ព្រមផ្ទេរដោយឥតគិតថ្លៃទៅកាន់ក្រុមនៅប្រេស៊ីល Botafogo ។

៨-ក្លឹប Torino ត្រៀមលក់ខ្សែការពារនីហ្សេរីយ៉ា Ola Aina ទៅក្លឹប Everton និងក្លឹប West Ham ក្នុងចំណោមអ្នកដែលចាប់អារម្មណ៍នឹងកីឡាករវ័យ២៣ឆ្នាំរូបនេះ។

៩-ខ្សែបម្រើស្លាបវ័យ១៨ឆ្នាំជនជាតិអាមេរិកកីឡកេ Konrad de la Fuente បានចុះកិច្ចសន្យាបន្តនៅក្លឹប Barcelona ដែលប្រាក់ឈ្នួលរបស់កីឡាកររូបនេះនឹងកើនឡើងដល់១០០លានអឺរ៉ូ (៩១ លានផោន) ប្រសិនបើកីឡាកររូបនេះជាប់ជម្រើសក្នុងក្រុមឈុតធំ។

១០-ក្លឹប Manchester City នឹងពិចារណាក្នុងការចុះហត្ថលេខាលើខ្សែបម្រើ Jack Grealish វ័យ២៤ឆ្នាំប្រសិនបើក្លឹប Bayern Munich ទិញយកខ្សែបម្រើស្លាបអាល្លឺម៉ង់ Leroy Sane វ័យ២៤ឆ្នាំ។

១១-ក្លឹប Chelsea ងាកមកចាប់អារម្មណ៍ចង់ចុះកុងត្រាជាមួយខ្សែបម្រើ Angel Gomes របស់ក្រុមបិសាចក្រហម Manchester United ។ កីឡាករអង់គ្លេសវ័យ១៩ឆ្នាំរូបនេះក៏មានការលើកទឹកចិត្តឲ្យចាកចេញផងដែរ។ ចំណែកក្រុមបិសាចក្រហម Manchester United ក៏ចង់ចុះហត្ថលេខាលើ Grealish ជាអ្នកជំនួស Gomes ផងដែរ។

១២-ក្លឹប Newcastle និង Arsenal ស្ថិតក្នុងចំណោមក្លឹបនៃក្របខ័ណ្ឌ Premier League ដែលមានចំណាប់អារម្មណ៍ក្នុងការចុះហត្ថលេខាលើខ្សែប្រយុទ្ធសញ្ជាតិហុល្លង់ Wout Weghorst វ័យ២៧ឆ្នាំ ក្នុងតម្លៃ៣៥លានអឺរ៉ូ (៣១.៩លានផោន) ។

១៣-ក្លឹប Southampton ចាប់អារម្មណ៍នឹងខ្សែប្រយុទ្ធរបស់ក្រុម Arsenal កីឡាករ Folarin Balogun មានវ័យទើបតែ១៨ឆ្នាំ។

១៤-ក្រុម Magpies ក៏កំពុងពិចារណាក្នុងការចុះហត្ថលេខាខ្សែប្រយុទ្ធបារាំង Thomas Thomas មានវ័យ១៩ឆ្នាំរបស់អតីតកីឡាករក្រុម Newcastle Laurent Robert ពីទីក្រុង Montpellier ក្នុងការផ្ទេរដោយគ្មានតម្លៃខ្លួន។

១៥-ក្រុមតោខៀវបានកំណត់គោលដៅអ្នកចាំទីសញ្ជាតិកាមេរូនកីឡាករ Andre Onan អាយុ២៤ឆ្នាំ និងខ្សែការពារឆ្វេងសញ្ជាតិអាហ្សង់ទីន Nicolas Tagliafico វ័យ២៧ឆ្នាំត្រូវបានគេរាយការណ៍ថា ពួកគេអាចចាកចេញពី Ajax ។

១៦-លោក Erik ten Hag អ្នកចាត់ការទូទៅរបសឹក្លិបហូល្លង់បាននិយាយថា ខ្សែបម្រើ និងជាគោលដៅរបស់ Manchester United ដែរគឹកីឡាករ Donny van de Beek អាយុ២៣ឆ្នាំអាចនឹងចាកចេញនៅពេលដែលទីផ្សារដោះដូរកីឡាករបានបើកវិញ។

១៧-ខ្សែការពាររបស់ក្លឹប Paris St-Germain គឺកីឡាករ Layvin Kurzawa បានចុះកុងត្រា៤ឆ្នាំទៀតជាមួយក្លឹប។ កីឡាករសញ្ជាតិបារាំងវ័យ២៧ឆ្នាំរូបនេះធ្លាប់មានទំនាក់ទំនងជាមួយក្រុម Arsenal និង Liverpool ផងដែរ។

១៨-លោក Jurgen Klopp អ្នកចាត់ការទូទៅក្លឹបហង្សក្រហមនៃក្របខ័ណ្ឌ Premier League បាននិយាយថា Liverpool នឹងមិនចំណាយប្រាក់រាប់លានលានដុល្លារនៅក្នុងទីផ្សារដោះដូរកីឡាករឡើយ។

១៩-កីឡាកររបស់ក្រុម Barcelona មួយចំនួនមានទំនាក់ទំនងមិនល្អជាមួយអ្នកចាត់ការ Quique Setien បន្ទាប់ពីធ្លាក់ទម្រង់លេងរបស់ពួកគេនាពេលថ្មីៗនេះ។

២០-កីឡាករវ័យ១៨ឆ្នាំរបស់ក្លឹប Leicester City គឺ Dennis Gyamfi នឹងចាកចេញពីក្លឹបនៅពេលកិច្ចសន្យារបស់គាត់ផុតកំណត់នៅថ្ងៃទី៣០ ខែមិថុនា។ កីឡាករអន្តរជាតិហូល្លង់រូបនេះបានបដិសេធសំណើកិច្ចសន្យាជាច្រើនពីបណ្តាក្លឹបមួយចំនួន ។

២១-ក្រុមបិសាចក្រហម Manchester United នឹងមិនចំណាយប្រាក់ច្រើនជាង៥០លានផោនទៅក្រុម Borussia Dortmund ដើម្បីទិញខ្សែការពារស្លាបអង់គ្លេស Jadon Sancho ឡើយ។ ទោះយ៉ាងណាក្លឹបនៅ Bundesliga ចង់បានលើសពី១០០លានផោនសម្រាប់កីឡាករវ័យ២០ឆ្នាំរូបនេះ។

២២-ក្លឹបកាំភ្លើងធំ Arsenal កំពុងពិចារណាប្រើប្រាស់ខ្សែបម្រើបារាំង Matteo Guendouzi វ័យ២១ឆ្នាំដែលជាផ្នែកមួយនៃកិច្ចព្រមព្រៀងដោះដូរណាមួយនៅរដូវក្តៅនេះ។

២៣-ក្លឹប Tottenham មានទំនុកចិត្តក្នុងកិច្ចព្រមព្រៀង Southampton ជាមួយខ្សែបម្រើអន្តរជាតិដាណឺម៉ាក Pierre-Emile Hojbjerg វ័យ២៤ឆ្នាំនៅរដូវក្តៅនេះ ប៉ុន្តែត្រូវលក់កីឡាករចាស់ជាមុនសិន។

២៤-ក្លឹប Manchester City ចង់ចុះហត្ថលេខាលើខ្សែការពារក្លឹប Bournemouth និងខ្សែការពារសញ្ជាតិហុល្លង់ Nathan Ake ។ ទោះយ៉ាងណាពួកគេអាចប្រឈមនឹងការប្រកួតប្រជែងពីក្រុមតោខៀវ Chelsea ដែលចាប់អារម្មណ៍ក្នុងការចុះហត្ថលេខាជាថ្មីលើកីឡាករវ័យ២៥ឆ្នាំរូបនេះ។

២៥-ខ្សែការពារស្តាំរបស់ក្លិប Barcelona កីឡាករ Marc Jurado វ័យ១៦ឆ្នាំបានចាកចេញពីក្លឹបនេះ។ កីឡាករសញ្ជាតិអេស្ប៉ាញរូបនេះគ្រោងនឹងផ្លាស់ទៅលេងនៅ Manchester United នារដូវក្តៅខាងមុខ។

២៦-ក្លឹបសេះបង្កង់ Juventus ចង់បាន Ferran Torres របស់ Valencia វ័យ២០ឆ្នាំ។ ខ្សែការពារស្លាបសញ្ជាតិអេស្ប៉ាញរូបនេះមានទំនាក់ទំនងជាមួយ Manchester United និង Borussia Dortmund ផងដែរ។

២៧-ក្លឹបBarcelona បានដាក់សំណើក្នុងការបញ្ចេញទឹកប្រាក់ចំនួន៣៦៥លានផោននៅក្នុងកិច្ចសន្យារបស់ Miralem Pjanic ។ ខ្សែបម្រើបូស្នៀ វ័យ៣០ឆ្នាំរូបនេះគ្រោងនឹងចូលរួមជាមួយក្លិបនៅ La Liga នៅរដូវក្តៅខាងមុខនេះ។

២៨-ក្លឹប Real Madrid និង Morocco ចាប់អារម្មណ៍អ្នកចាំទី Achraf Hakimi វ័យ២១ឆ្នាំលើសំណើផ្ទេរចំនួន៣៦លានផោនទៅកាន់ក្លឹប Inter Milan ។

២៩-ក្លឹប Roma បានបញ្ជាក់ពីការផ្ទេរលក្ខខណ្ឌខ្ចីជើងកីឡាករ Henrikh Mkhitaryan ពីក្រុម Arsenal បន្តរហូតដល់ចុងបញ្ចប់នៃរដូវកាលនេះ។ ខ្សែបម្រើសញ្ជាតិអាមេនីវ័យ៣១ឆ្នាំរូបនេះបានចូលរួមជាមួយក្រុម Serie A កាលពីខែកញ្ញា ។

៣០-ក្រុម Manchester City បានបញ្ចប់កិច្ចព្រមព្រៀងដោះដូរលើខ្សែប្រយុទ្ធអេស្ប៉ាញវ័យ១៨ឆ្នាំ Pablo Moreno ពីក្រុម Juventus ជាមួយខ្សែប្រយុទ្ធស្លាបព័រទុយហ្គាល់ឈ្មោះ Felix Correia វ័យ១៩ឆ្នាំកំពុងធ្វើដំណើរទៅកាន់ទឹកដី Serie A ។

៣១-អតីតខ្សែការពារកណ្តាលរបស់ក្លឹប Rangers Lorenzo Amoruso វ័យ៤៩ឆ្នាំបានចុះកុងត្រាជាមួយក្លឹបLove Island នៃប្រទេសអ៊ីតាលី ។

៣២-លេចឮដំណឹងរបស់ខ្សែប្រយុទ្ធឆ្នើម Antoine Griezmann ចង់ចាកចេញពីក្លឹប Barcelona អាចផ្តល់ឱកាសឲ្យ Arsenal ឬ Inter Milan ចុះកុងត្រាជាមួយកីឡាករអន្តរជាតិបារាំងវ័យ២៩ឆ្នាំរូបនេះ។

៣៣-Arsenal សង្ឃឹមថាកីឡាករខ្សែការពារកណ្តាល David Luiz វ័យ៣៣ឆ្នាំអាចព្យាយាមបញ្ចុះបញ្ចូលមិត្តរួមជាតិ Thiago Silva វ័យ៣៥ឆ្នាំ ឲ្យចូលរួមជាមួយក្លឹបបន្ទាប់ពីគាត់ចាកចេញពី Paris Paris-Germain នារដូវក្តៅនេះ។

៣៤-ក្រុមកាំភ្លើងធំ Arsenal បានបង្កើនចំណាប់អារម្មណ៍របស់ពួកគេទៅលើខ្សែបម្រើ Thomas Partey របស់ក្លិប Atletico Madrid ប៉ុន្តែពួកគេមិនមានឆន្ទៈក្នុងការចំណាយ៤៥ផោនរបស់គាត់ឡើយ។

៣៥-ខ្សែការពាររបស់ក្លឹប Tottenham និងកូតឌីវ័រគឺកីឡាករ Serge Aurier វ័យ២៧ឆ្នាំគឺជាកីឡាករដ៏គួរឲ្យចាប់អារម្មណ៍មួយរបស់ក្លឹប Ligue 1 ដែលសង្ឃឹមថានឹងចុះហត្ថលេខាលើកីឡាកររូបនេះទីលីកកំពូលបារាំងនៅរដូវក្តៅនេះ។

៣៦-ខ្សែការពារអន្តរជាតិដាណឺម៉ាករបស់តោខៀវ Chelsea កីឡាករ Andreas Christensen វ័យ២៤ឆ្នាំនិយាយថាគាត់គ្មានចេតនាចាកចេញពីក្លឹបទេ ហើយកំពុងបន្តកុងត្រាថ្មីនៅ Stamford Bridge ។

៣៧-ខ្សែបម្រើកាំភ្លើងធំ Arsenal និងអាមេនីកីឡាករ Henrikh Mkhitaryan វ័យ៣១ឆ្នាំទំនងជានឹងចូលរួមជាមួយក្រុម Roma ជាអចិន្ត្រៃយ៍បន្ទាប់ពីកិច្ចព្រមព្រៀងខ្ចីជើងរបស់គាត់ជាមួយក្រុម Serie A ត្រូវបានពន្យារពេល។

៣៨-លោក Quique Setien គ្រូបង្វឹករបស់ក្រុមអ្នកមានបុណ្យ Barcelona កំពុងតែរងសម្ពាធកាន់តែខ្លាំងហើយលោក Ronald Koeman អ្នកចាត់ការហុល្លង់ដែលនិយាយថា លោកបានបោះបង់ឱកាសក្នុងការគ្រប់គ្រងក្រុមនៅកីឡដ្ឋាន Nou Camp នេះកាលពីខែមករា។

៣៩-ខ្សែបម្រើស្លាបរបស់ក្រុមហង្សក្រហម Liverpool និងអេហ្ស៊ីប Mohamed Salah វ័យ២៨ឆ្នាំនិយាយថាគាត់ចង់ស្នាក់នៅក្លឹបនេះយូរទៅមុខទៀត។

៤០-កីឡាករវ័យក្មេងរបស់ក្លិបបិសាចក្រហម Manchester United គឺ Largie Ramazani វ័យ១៩ ឆ្នាំកំពុងតែខិតជិតទៅរកការផ្លាស់ប្តូរទៅកាន់ក្រុម Almeria ដែលជាក្រុមលំដាប់ទី២របស់អេស្ប៉ាញ។ កីឡាករសញ្ជាតិបែលហ្ស៊ិករូបនេះបានបដិសេធកិច្ចព្រមព្រៀងដើម្បីស្នាក់នៅ Old Trafford ។

៤១-នាយកផ្នែកកីឡាក្រុម Rennes លោក Florian Maurice បាននិយាយថា ក្រុមនៅ Ligue 1 មួយនេះមិនមានចេតនាលក់ខ្សែបម្រើបារាំងអាយុក្រោម១៧ឆ្នាំ Eduardo Camavinga ចំពេលមានទំនាក់ទំនងជាមួយ Real Madrid ទេ សូម្បីតែហ៊ានឲ្យតម្លៃ៨០លានអឺរ៉ូ (៧២លានផោន) ក៏ដោយ ។

៤២-ខ្សែប្រយុទ្ធរបស់ក្លិបកាំភ្លើងធំ Arsenal និងខ្សែប្រយុទ្ធសញ្ជាតិហ្គាបុងកីឡាករ Pierre-Emerick Aubameyang វ័យ៣១ឆ្នាំចង់បានកិច្ចសន្យា៣ឆ្នាំ និងប្រាក់ឈ្នួល២៥០,០០០ផោនក្នុងមួយសប្តាហ៍ដើម្បីស្នាក់នៅក្លឹប។

៤៣-ក្រុមបិសាចក្រហម Manchester United បានត្រៀមខ្លួនជាស្រេចចំពោះការផ្ទេររបស់ក្លឹប Borussia Dortmund និងខ្សែការពារស្លាបអង់គ្លេស Jadon Sancho ហើយនឹងមិនចំណាយប្រាក់ច្រើនជាង៥០លានផោនសម្រាប់កីឡាករវ័យ២០ឆ្នាំរូបនេះឡើយ។

៤៤-ក្រុមតោខៀវ Chelsea កំពុងពិចារណាលើការផ្លាស់ប្តូរមួយសម្រាប់ខ្សែការពារកណ្តាលរបស់ក្លឹប Villarreal កីឡាករសញ្ជាតិអេស្ប៉ាញ Pau Torres មានវ័យ២៣ឆ្នាំដែលត្រូវបានត្រូវបានចាប់អារម្មណ៍ពីក្លឹប Arsenal, Barcelona, ​​Manchester City និង Manchester United ផងដែរ។

៤៥-Arsenal ពេញចិត្តក្នុងការចុះកុងត្រាជាមួយក្លឹប Atletico Madrid ជាមួយខ្សែបម្រើ Thomas Partey សញ្ញជាតិហ្គាណា ហើយបានផ្តល់ប្រាក់ឈ្នួលទ្វេដងឲ្យទៅកីឡាករវ័យ២៧ឆ្នាំរូបនេះ។

៤៦-លោក Steve Bruce ដែលជាគ្រូបង្វឹកក្រុម Newcastle សង្ឃឹមថានឹងបញ្ចុះបញ្ចូលខ្សែបម្រើសញ្ជាតិអង់គ្លេស Matty Longstaff ឲ្យនៅជាមួយក្លឹបបន្តទៀត។ កីឡាករវ័យ២០ឆ្នាំរូបនេះផុតកុងត្រានៅចុងបញ្ចប់នៃរដូវកាលនេះហើយត្រូវបានក្រុម Udinese នៅ Serie A ផ្តល់កិច្ចសន្យារយៈពេល៥ឆ្នាំ។

៤៧-នាយកប្រតិបត្តិក្លឹប Bayern Munich លោក Karl-Heinz Rummenigge និយាយថាខ្សែបម្រើសញ្ជាតិអេស្ប៉ាញ Thiago Alcantara វ័យ២៩ឆ្នាំដែលមានទំនាក់ទំនងជាមួយ Liverpool ចង់ចាកចេញហើយនឹងត្រូវលក់តែម្តងនៅរដូវក្តៅនេះ។

៤៨-ក្រុមតោខៀវ Chelsea បានចាប់ផ្តើមពិភាក្សាឡើងវិញជាមួយខ្សែបម្រើស្លាបសញ្ជាតិប្រេស៊ីល Willian វ័យ៣១ឆ្នាំលើកិច្ចព្រមព្រៀងថ្មី។

៤៩-ខ្សែការពារស្លាបឆ្វេង Wendell របស់ក្លឹប Bayer Leverkusen និយាយថាមិត្តរួមក្រុម Kai Havertz ចង់ចូលរួមជាមួយក្លឹបនៅ Premier League។ ខ្សែបម្រើក្រុមជម្រើសជាតិអាល្លឺម៉ង់វ័យ២១ឆ្នាំរូបនេះគឺជាគោលដៅដែលត្រូវបានគេរាយការណ៍ថា អាចចូលរួមជាមួយក្លឹបតោខៀវ Chelsea និង Manchester United ។

៥០-ក្លឹប West Brom ចាប់អារម្មណ៍ក្នុងការចុះហត្ថលេខាលើខ្សែបម្រើ John Obi Mikel វ័យ៣៣ឆ្នាំរបស់ក្លឹបតោខៀវសញ្ជាតិនីហ្សេរីយ៉ាដែលគ្មានក្លឹបណាលេង បន្ទាប់ពីចាកចេញពីក្រុមទួរគី Trabzonspor កាលពីខែមីនា។

៥១-ក្លឹប Inter Milan កំពុងពិចារណាធ្វើឱ្យកិច្ចព្រមព្រៀងខ្ចីជើងខ្សែប្រយុទ្ធសញ្ជាតិឈីលី Alexis Sanchez របស់ក្រុម Manchester United ក្លាយជាអចិន្រ្តៃយ៍(ទិញផ្តាច់) ក្នុងតម្លៃ២០លានអឺរ៉ូ (១៨លានផោន) ។

៥២-កីឡាករក្លឹប Schalke និងជាខ្សែបម្រើសញ្ជាតិអាមេរិក Weston McKennie វ័យ២១ឆ្នាំចង់ចូលរួមជាមួយក្លឹបនៅ Premier League សម្រាប់រដូវកាលក្រោយ។

៥៣-ក្លឹប Tottenham ចាប់អារម្មណ៍ចង់ផ្លាស់ប្តូរខ្សែប្រយុទ្ធក្លឹប Napoli និងជាខ្សែប្រយុទ្ធប៉ូឡូញ Arkadiusz Milik វ័យ២៦ឆ្នាំ ប៉ុន្តែត្រូវប្រឈមនឹងការប្រកួតប្រជែងពីក្រុម Juventus ដែរ។

៥៤-ក្លិប Fiorentina ចង់បានអតីតខ្សែបម្រើសញ្ជាតិអ៊ីតាលី Daniele de Rossi វ័យ៣៦ឆ្នាំដើម្បីកាន់តំណែងជាអ្នកចាត់ការនៅរដូវកាលក្រោយ ។

៥៥-ក្លឹប Watford, Leeds និងក្លឹប Celtic ចាប់អារម្មណ៍ក្នុងការចុះហត្ថលេខាជាមួយខ្សែការពារកណ្តាលសញ្ជាតិក្រូអាត Branimir Kalaica វ័យ២២ឆ្នាំ ៕

ដោយ៖ ភារៈ