អតីតមេដឹកនាំ គីមអុីលស៊ុងគឺជាអ្នកបង្កើត ទឹកដីកូរ៉េខាងជើង ហើយដឹកនាំប្រទេសនេះចាប់ពីឆ្នាំ១៩៤៨ រហូតពេលលោកស្លាប់នៅឆ្នាំ១៩៩៤។
នៅថ្ងៃទី៨ ខែកក្កដា ពលដ្ឋរាប់សិបពាន់នាក់នាំគ្នាទៅដាក់កម្រងផ្កា នៅស្តូបMansu ក្នុងទីក្រុងព្យុងយ៉ាង ក្នុងខួប២៦ឆ្នាំថ្ងៃស្លាប់របស់អតីតមេដឹកនាំ គីម អុីលស៊ុង។
ចំណែកមេដឹកនាំ គីម ជុងអ៊ុននិងមន្ត្រីជាន់ខ្ពស់កូរ៉េខាងជើងបានទៅគោរពវិញ្ញាណក្ខន្ធ នៅវិមានKumsusan ដែលជាទីកន្លែងដំកល់សាសពអតីតមេដឹកនាំទាំងពីររូប គឺជីតា គីមអុីលស៊ុន និងឪពុក គីម ជុងអុីល។
ពាក់ព័ន្ធបញ្ហាឧបទ្វីបកូរ៉េ ទីក្រុងព្យុងយ៉ាងប្រកាសថាមិនពិភាក្សាជាមួយអាមេរិកនោះឡើយនៅមុនការបោះឆ្នោត អាមេរិក។ ជាមួយគ្នានេះអ្នកនាំពាក្យក្រសួងការបរទេសចិនបាន ប្រកាសនៅក្នុងសន្និសីទកាសែតនៅថ្ងៃទី៨ ខែកក្កដាថា « អាមេរិក និងកូរ៉េខាងជើងជាភាគី វិវាទ ហើយអាមេរិកជាអ្នក កាន់កូនសោនៃការវិវាទទាំងនោះ ដូច្នេះអាមេរិកត្រូវតែដោះសោផ្តល់សេរីភាពបញ្ចប់ ជម្លោះ»។
មន្ត្រីការបរទេសចិនបានបញ្ជាក់ទៀតថា អាមេរិកមិនត្រូវលើកឡើងពីបញ្ហាទៀតឡើយគឺត្រូវតែដោះស្រាយបញ្ហា ហើយអាមេរិកត្រូវតែមានឆន្ទពៈក្នុងការដោះស្រាយ ទៅតាមសំណើស្របច្បាប់ត្រឹមត្រូវរបស់កូរ៉េខាងជើង៕
