ពលរដ្ឋនៅទីក្រុង Melbourneបាននាំគ្នាទៅកាន់ផ្សារទំនើប ទិញ ស្បៀងអាហារ បរិក្ខារផ្សេងៗ មករក្សាទុក ធ្វើឲ្យផ្សារទាំងអស់នៅទីក្រុងមិនមានទំនិញគ្រាប់គ្រាន់សម្រាប់ផ្គត់ផ្គង់។ ការទិញទំនិញជាច្រើនរក្សាទុកមុនពេលបិទទីក្រុងជាថ្មី។
សារព័ត៌មានAFP បានផ្សាយថា ពលរដ្ឋ៥លាននាក់នៅទីក្រុងម៉ែលប៊ន ត្រូវបានស្នើឲ្យនៅក្នុងផ្ទះរយៈពេល ៦សប្តាហ៍ ចាប់ពីពាក់កណ្តាលយប់នេះ ក្រោយពេលមានអ្នកឆ្លង កូវីដ១៩ កើនឡើងជាង ១០០នាក់ ក្នុងមួយថ្ងៃ ៗ។
ក្នុងរយៈពេល២៤ម៉ោង កន្លងមក អ្នកឆ្លងកូវីដ១៩នៅអូស្ត្រាលីមានដល់ទៅ១៣៤នាក់ ។បើទោះបីមានចំនួនអ្នកឆ្លងតិចប៉ុន្តែ ការឆ្លងនៅក្នុងសហគមន៍ គឺជារឿងពិបាកក្នុងការទប់ស្កាត់។ អូស្ត្រាលី ត្រូវបានគេចាត់ទុកថាជាប្រទេសដែលទប់ស្កាត់ការឆ្លងកូវីដ១៩បានល្អនាពេលកន្លងមក ។
ផ្សារទំនើបធំបំផុតនៅក្នុងប្រទេសអូស្ត្រាលី Woolworths បានសម្រេចចេញច្បាប់កាត់បន្ថយការទិញទំនិញ ដោយសារតែពលរដ្ឋ ចូលទៅទិញច្រើន មិនមានទំនិញផ្គត់ផ្គង់គ្រប់គ្រាន់។
អភិបាលរដ្ឋVictoria លោកDaniel Andrews នៅថ្ងៃទី៨ខែកក្កដានេះ បានទទួលស្គាល់ពីការខាតបង់ដល់ពលរដ្ឋជាង៦,៦លាននាក់នៅក្នុងរដ្ឋនេះ។ ប៉ុន្តែចាប់បាច់ត្រូវតែធ្វើ ដើម្បីសុខភាព អាយុជីវិតពលរដ្ឋទាំងអស់គ្នា 
