ខេត្ដកំពត៖ ប្រជាពលរដ្ឋរស់នៅ ក្រុងកំពតបានឱ្យដឹងថា ការដ្ឋានបូម ខ្សាច់ដើម្បីធ្វើអាជីវកម្មមួយកន្លែងត្រូវ គេធ្វើឡើងទាំងបើកចំហក្នុងភូមិសាស្ដ្រគល់ស្ពានព្រែកកំពត ស្ថិតក្នុងសង្កាត់ កំពង់បាយ ក្រុងកំពត ដោយមិនមែនមន្ដ្រី ពាក់ព័ន្ធណាម្នាក់ធ្វើដឹងឮនោះឡើយ ។
សេចក្ដីរាយការណ៍ឱ្យដឹងថា សកម្ម ភាពបូមខ្សាច់ព្រែកនេះ គឺមិនមាន ច្បាប់អនុញ្ញាតអ្វីនោះទេ ពោលគឺធ្វើ ឡើងដោយការឃុបឃិតគ្នាជាប្រព័ន្ធ ដោយមានថៅកែម្នាក់ឈ្មោះ ហួត ជាអ្នករត់ការបូមខ្សាច់ពីព្រែកធម្មជាតិ យកទៅចាក់បំពេញដីរបស់ពួកគេ និង ធ្វើអាជីវកម្មលក់បន្ដ ហើយថែមទាំង ចាក់បំពានចំណីព្រែកដើម្បីវាតយកដីសង់សំណង់ទៀតផង ។
ករណីបូមខ្សាច់កណ្ដាលក្រុងកំពត នេះ លោក សំ វិចិត្រ ប្រធានមន្ទីរ រ៉ែ និងថាមពលខេត្ដកំពត បានត្រឹមតែ ថ្លែងថា លោកមិនទាន់បានដឹងថា មាន សកម្មភាពនេះនៅឡើយទេ និងចាំលោក ចុះទៅមើលសិន ។
គួររំលឹកថា កន្លងទៅថ្មីៗនេះគេក៏ឃើញ កើតមានជាញឹកញាប់ផងដែរសកម្មភាពបូមខ្សាច់និងការចាក់ដីរំលោភផ្ទៃសមុទ្រ ក្នុងខេត្ដកំពត ដែលធ្វើឱ្យប្រជាពលរដ្ឋ រិះគន់យ៉ាងខ្លាំងចំពោះអាជ្ញាធរ និងមន្ដ្រី ជំនាញដែលហាក់បង្ហាញពីភាពឆកល្វែង ក្នុងកាតព្វកិច្ចរបស់ខ្លួន ។
សូមបញ្ជាក់ថា សកម្មភាពបូម ខ្សាច់សាងសង់សំណង់ផ្សេងៗនៅខេត្ដ កំពតបានកើតឡើងហាក់ដូចជាអាជ្ញាធរជំនាញពុំបានយកចិត្ដទុកដាក់អ្វីទាំងអស់ ។ ពួកឈ្មួញមានលុយគ្របសង្កត់លើអាជ្ញា ធរមិនឱ្យខ្វើកខ្វល់នឹងអាជីវកម្មទេ ៕
ដោយ៖ ហេង នរិន្ទ្រ
