ខេត្ដកោះកុង៖ ប្រជាពលរដ្ឋរួមទាំង មន្ដ្រីរាជការនៅជុំវិញខេត្ដកោះកុងបាន នាំគ្នារិះគន់ធ្ងន់ៗទៅលើអាជ្ញាធរ ក៏ដូចជា មន្ទីររៀបចំដែនដី នគរូបនីយកម្ម និង សំណង់ខេត្ដថា បានឃុបឃិតបណ្ដែត បណ្ដោយឱ្យមានការសាងសង់សំណង់ និងកំពង់ផែរឹងមាំជាច្រើនកន្លែងនៅ តាមបណ្ដោយឆ្នេរកោះប៉ោ ។ ជាក់ស្ដែង សំណង់ដែលមានកម្ពស់៣ជាន់របស់ លោកដួង ប៊ុនធឿន ស្ថិតនៅភូមិ២ សង្កាត់ដងទង់ ក្រុងខេមរភូមិន្ទ ដែល បានសាងសង់ស្ទើររួចរាល់ជាស្ថាពរហើយនោះ រួមទាំងសំណង់នៅជាប់ស្ពានយាយ យួននៅស្រុកមណ្ឌលសីមាជាដើម ។
ក្រុមប្រជាពលរដ្ឋបានលើកឡើងថា កន្លងមកការសាងសង់សំណង់ឥតច្បាប់ជាច្រើនត្រូវបានធ្វើឡើង បើទោះបីជា គេបានឃើញថា ក្រសួងដែនដីនគ រូបនីយកម្ម និងសំណង់បានចេញសារ លិខិតឱ្យមានការរឹតបន្ដឹងចំពោះសំណង់រំលោភលើផ្លូវសាធារណៈ តំបន់ឆ្នេរ ព្រែក ស្ទឹង យ៉ាងណាក្ដី តែលិខិតទាំង នោះហាក់ពុំមានប្រសិទ្ធភាពចំពោះមន្ដ្រីពាក់ព័ន្ធប្រចាំខេត្ដកោះកុងនោះឡើយ ដោយកន្លងមកពួកគាត់តែងតែមើល រំលងនូវគោលការណ៍ ដែលក្រសួងបាន ដាក់ឱ្យអនុវត្ដ ។
រឿងរ៉ាវជាក់ស្ដែងទាំងនេះបានធ្វើឱ្យមហាជនរួមទាំងសមត្ថកិច្ចមួយចំនួន និយាយតគ្នាពីមាត់មួយទៅមាត់មួយថា វាជាការឃុបឃិតកេងយកប្រយោជន៍ ពីម្ចាស់សំណង់ខុសច្បាប់ទាំងនោះ ។ ពួក គាត់ថា ប្រសិនបើគ្មានការកេងយកផល ប្រយោជន៍នោះទេ សំណង់ទាំងប៉ុន្មាន ខាងលើប្រហែលជាមិនអាចកសាងបានយ៉ាងរលូនបែបនេះនោះទេ ។
ជុំវិញបញ្ហារិះគន់របស់ប្រជាពលរដ្ឋ នេះលោក រស់ វីរ៉ាវុទ្ធ ប្រធានមន្ទីររៀបចំ ដែនដីនគរូបនីយកម្ម និងសំណង់ខេត្ដ កោះកុងបានថ្លែងថា ចំពោះសំណង់លោក ដួង ប៊ុនធឿននោះ លោកធូ វិបុល អភិបាលក្រុងខេមរភូមិន្ទបានដាក់ពាក្យបណ្ដឹងទៅតុលាការហើយ ។ ចំណែក ឯសំណង់ផ្សេងៗក៏ត្រូវបានលោកអភិ បាលនៃគណៈអភិបាលខេត្ដចេញលិខិត ឱ្យផ្អាកអស់ហើយដែរការផ្អាកនេះបាន ធ្វើឡើងក្រោយពីមានការប្រជុំគណៈ បញ្ជាការឯកភាពខេត្ដ និងស្រុកកាល ពីចុងសបា្ដហ៍កន្លងទៅថ្មីៗនេះ ៕
ដោយ៖ សហការី
