ខេត្តមណ្ឌលគិរី៖ បុរសម្នាក់បានដេកស្លាប់ក្នុងរថយន្តរបស់ខ្លួន កាលពីយប់ថ្ងៃទី២៧ ខែមករា ឆ្នាំ២០១៦នេះ នៅចំណុចអូរផ្លាយ ស្ថិតក្មុងភូមិស្រែអំពូម ឃុំស្រែអំពូម ស្រុកពេជ្រាដា។
សមត្ថកិច្ចនៅកន្លែងកើតហេតុបានឲ្យដឹងថា បុរសនោះជាថៅកែដែលប្រមូលទិញដំឡូងមីមានឈ្មោះថា ហន សុឃាង អាយុ៤៤ ឆ្នាំ មានទីលំនៅភូមិពូរាំង ស្រុកពេជ្រាដា ខេត្តមណ្ឌលគីរី។
ក្រោយពីការធ្វើកោសល្យវិច្ច័យទៅលើជនរងគ្រោះ សមត្ថកិច្ច រកមិនឃើញថាជនរងគ្រោះមានរបួសស្នាមអ្វីនោះឡើយ ដូចច្នេះសន្និដ្ឋានថា ជនរងគ្រោះបានស្លាប់ដោយសារខ្យល់គតែម្ដង។
បច្ចុប្បន្នសាកសពជនរងគ្រោះ ត្រូវបានក្រុមគ្រួសារសពដឹកយកទៅធ្វើបុណ្យតាមប្រពីណី៕
ដោយ៖ ឦសាន
...
