នៅព្រឹកថ្ងៃទី២៨ ខែមករា ឆ្នាំ២០១៦ ក្រោយមហាសន្និបាតលើកទី១២នៃបក្សកុម្មុយនីស្ដវៀតណាមប្រកបដោយជោគជ័យ។ លោកង្វៀន ភូត្រុង ដែលមាន បេក្ខភាពជ្រើសរើសឱ្យកាន់តំណែងអគ្គ លេខាធិការបក្សដដែលនោះបានធ្វើសន្និសីទការសែតដោយបានជួបជាមួយអ្នកសារព័ត៌មានជាតិនិងអន្ដរជាតិជាច្រើន។
នៅក្នុងសន្និសីតការសែតនោះលោកបានថ្លែងអំណរគុណដល់អ្នកសារព័ត៌មាន ទាំងក្នុងនឹងក្រៅប្រទេសដែលបានផ្ដល់ ព័ត៌មានទាន់ពេលវេលាដល់មិត្ដអ្នក អាននៅគ្រប់ទិសទីជួយដល់មហាសន្និបាត ប្រព្រឹត្ដទៅដោយជោគជ័យ។ ក្រោយ រយៈពេល៨ថ្ងៃនៃកិច្ចប្រជុំមហាសន្និបាតប្រព្រឹត្ដទៅដោយជោគជ័យបំផុត ។
ការសម្រេចជ្រើសតាំងលោក ង្វៀន ភូត្រុង ជាអគ្គលេខាធិការបក្សកុម្មុយ នីស្ដវៀតណាមជាថ្មីនេះត្រូវបានក្រុមអ្នកសង្កេតការណ៍មើលឃើញថាជាសេចក្ដីសម្រេចចិត្ដមួយរបស់បក្សកុម្មុយនីស្ដ ដែលចង់រក្សាទុកតំណែងបុគ្គលម្នាក់ ដើម្បីឱ្យដឹកនាំមាគ៌ានយោបាយបច្ចុប្បន្នរបស់បក្សកុម្មុយនីស្ដនៅលើវិស័យកំណែ ទម្រង់សេដ្ឋកិច្ច។ ការជ្រើសតាំងថ្មីនេះនឹងត្រូវរង់ចាំការអនុម័តពីសមាជបក្ស នៅថ្ងៃព្រហស្បតិ៍ទី២៨ ខែមករា ឆ្នាំ ២០១៦ ។
លោកង្វៀន ភូត្រុង (Nguyen PhuTrong) មានអាយុ៧១ឆ្នាំ នៅថ្ងៃពុធ ទី២៧ ខែមករា ឆ្នាំ២០១៦ ត្រូវបាន គណៈកម្មាធិការកណ្ដាលបក្សជ្រើសរើសជាអគ្គលេខាធិការបក្សកុម្មុយនីស្ដវៀតណាមជាថ្មីទៀត។ នេះជាការជូនដំណឹង របស់ទីភ្នាក់ងារព័ត៌មានផ្លូវការ VNA ។ ការជ្រើសតាំងថ្មីនេះបានធ្វើឡើងបន្ទាប់ពីលោកនាយករដ្ឋមន្ដ្រីង្វៀន តាន់ហ្ស៊ុង ដែលជាបុគ្គលដ៏មានប្រជាប្រិយភាពយ៉ាង ធំធេងនៅក្នុងមតិសាធារណៈ ជាពិសេស នៅក្នុងមជ្ឈដ្ឋានអ្នកកិច្ចការជំនួញបាន ដកខ្លួនចេញពីការិយាល័យនយោបាយ។
លោកង្វៀន ភូត្រុង គឺជាបេក្ខជនតែ ម្នាក់គត់របស់ការិយាល័យនយោបាយ វៀតណាមនៅឱកាសសមាជលើកទី១២ដែលរៀបចំឡើងកាលពីប៉ុន្មានថ្ងៃកន្លងមកដើម្បីរៀបចំការផ្លាស់ប្ដូរសមាសភាព ថ្នាក់ដឹកនាំទាំងក្នុងបក្សនិងរដ្ឋាភិបាល សម្រាប់រយៈពេល៥ឆ្នាំតទៅមុខ។
នាពេលនេះគេអាចមើលឃើញរូបថត របស់លោក ង្វៀន ភូត្រុង ដែលក្នុងដៃ មានកាន់បាច់ផ្កាចុះផ្សាយនៅលើទំព័រវេប សាយនៃកាសែតផ្លូវការវៀតណាមVNAដែលកាសែតនេះបានសសេរលើកតម្កើង លោកថា សមាជិករបស់គណៈកម្មាធិការ កណ្ដាលបក្សវៀតណាមសូមអបអរសាទរ ចំពោះការឡើងកាន់មុខតំណែងជាថ្មីទៀត របស់លោក ង្វៀន ភូត្រុង ។ លោកង្វៀន ភូត្រុង ដែលត្រូវបានមតិទូទៅស្គាល់ថា ជាអ្នកអភិរក្សនិយមពិតជានឹងខិតខំប្រឹង អនុវត្ដគោលនយោបាយរបស់បក្សកុម្មុយ នីស្ដជាបន្ដទៅមុខដោយឥតល្អៀង ជា ពិសេសនៅលើវិស័យកំណែទម្រង់សេដ្ឋកិច្ចនិងនយោបាយកាទូតឯករាជ្យមួយ។
គួរកត់សម្គាល់ថា លោកង្វៀន ភូត្រុង ក៏ជាបុគ្គលម្នាក់ដែលមានការស្និទ្ធស្នាល យ៉ាងខ្លាំងក្លាជាមួយទីក្រុងប៉េកាំងតែគាត់ ក៏មិនពេញចិត្ដដែរចំពោះនយោបាយ មូលធនរបស់សហរដ្ឋអាមេរិក ៕
ប្រែសម្រួល៖ ម៉ែវ សាធី
