ក្រុមហ៊ុនប្រេងដ៏ធំរបស់បារាំង​ តូតាល់​ នៅពេលនេះ​បានអនុវត្ត តាមច្បាប់ជាក្រុមហ៊ុនរបស់អឺរ៉ុប។ ទាំងនោះហើយ​អនុញ្ញាតឲ្យក្រុមហ៊ុន​ធ្វើសកម្មភាព​នៅគ្រប់ប្រទេសទាំងអស់ របស់សហគមន៍អឺរ៉ុប ក្រោមលក្ខខណ្ឌច្បាប់ជាក្រុមហ៊ុនរបស់អឺរ៉ុប​។
ក្រុមហ៊ុន Total SA បានប្តូរឈ្មោះទៅជាក្រុមហ៊ុន Total SE ក្រោយបញ្ចប់​បែបបទចុះបញ្ជីជាមួយ​អង្គការពាណិជ្ជកម្ម​ ​នៅ Nanterre ប្រទេសបារាំងកាលពីថ្ងៃទី​១៦ខែកក្កដា​ឆ្នាំ​២០២០​ ដោយក្លាយជាក្រុមហ៊ុន អឺរ៉ុប។

កន្លងមកការកែប្រែច្បាប់ បែនេះ ត្រូវបានក្រុមហ៊ុន Airbus និង Constellium អនុវត្ត​ជាក្រុមហ៊ុន របស់សហគមន៍អឺរ៉ុប។
អគ្គនាយកក្រុមហ៊ុន តូតាល់លោក ​Patrick Pouyanné បានបញ្ជាក់ថា​«ពិតជារឿងដ៏ល្អ​ក្នុងពេលក្រុមហ៊ុនធំៗនៅក្នុងតំបន់អឺរ៉ុប​បានបង្ហាញពីទំនុកចិត្ត​ នៅក្នុងសហគមន៍អឺរ៉ុប។
ក្រុមហ៊ុន SA គឺជាក្រុមហ៊ុនប្រេងជាតិរបស់បារាំង​​ ដែលជាក្រុមហ៊ុន​១​ក្នុងចំណោម ក្រុមហ៊ុនទាំង​៦ ដែលធំបំផុតនៅលើពិភពលោក​។ ក្រុមហ៊ុននេះមានទីតសាំង​នៅស្រុកLa Défense ភាគខាងលិចទីក្រុងបារីស។ ក្រុមហ៊ុននេះមានសាខាជាច្រើននៅបណ្តាប្រទេសជុំវិញពិភពលោក​៕