ភ្នំពេញ៖ ជនសង្ស័យម្នាក់ត្រូវកម្លាំងអធិការដ្ឋាននគរបាលខណ្ឌសែនសុខស្រាវជ្រាវឈានដល់ការ ឃាត់ខ្លួនករណីលួចម៉ូតូ។
ករណីឃាត់ខ្លួនជនសង្ស័យខាងលើកាលពីវេលាម៉ោង០០ និង៣០នាទីថ្ងៃទី២៣ ខែកក្តដា ឆ្នាំ២០២០ នៅចំណុចផ្ទះសំណាក់ផារីយ៉ា ផ្លូវបេតុង ភូមិត្រពាំងឈូក សង្កាត់អូរបែកក្អម ខណ្ឌសែនសុខ។
នគរបាលព្រហ្មទណ្ឌខណ្ឌសែនសុខបានឲ្យដឹងថា៖ កាលពីថ្ងៃទី០៣-០៥ ២០២០ វេលាម៉ោង០៥ និង១៦នាទី ជនសង្ស័យឈ្មោះ អ៊ុំ វត្ថា ភេទប្រុស អាយុ២១ឆ្នាំ ជនជាតិខ្មែរ មុខរបរគ្មាន ស្នាក់នៅផ្ទះលេខ១២១ ភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ (មានសារធាតុញៀន) បានធ្វើសកម្មភាពលួចម៉ូតួរបស់ជនរងគ្រោះ ឈ្មោះ សុខុន វិជា ភេទប្រុស អាយុ២២ឆ្នាំ ជនជាតិខ្មែរ មុខរបរនៅផ្ទះ ស្នាក់នៅផ្ទះគ្មានលេខ ភូមិព្រៃព្រីងខាងជើង សង្កាតចោមចៅ២ ខណ្ឌពោធិ៍សែនជ័យ ។
សម្ភារៈបាត់បង់ម៉ូតូ០១គ្រឿង ម៉ាកសេ១២៥ ពណ៌ខ្មៅ ផលិតឆ្នាំ២០២០ ពាក់ស្លាកលេខភ្នំពេញ1IB-9414 ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
ដោយ៖ ចន្ទ លីហ្សា
