ក្រុមបាតុករនៅទីក្រុង Seattle នៅថ្ងៃទី២៥ខែកក្កដា (ពេលវេលាអាមេរិក) បន្តធ្វើបាតុកម្ម ហើយគប់ដបទឹក ដុំថ្ម …ទៅលើកម្លាំងសន្តិសុខ មិនតែប៉ុណ្ណោះ ក៏មាន ការដុតបំផ្លាញ រថយន្ត និងការដ្ឋានសំណង់។ កម្លាំងសន្តិសុខបានចាប់ខ្លួនមនុស្ស៤៥នាក់ ដែលបង្កហិង្សា រារាំងក្រុមសមត្ថកិច្ចបំពេញការងារ។
តាមការលើកឡើងរបស់មន្ត្រីសន្តិសុខនៅក្នុងតំបន់ ភាគច្រើនកម្លាំងប៉ូលិស ទើបតែចូលធ្វើការវិញ ក្រោយមានរឿងរ៉ាវពាក់ព័ន្ធការរើសអើងជាតិសាសន៍។ ប៉ូលិសជាច្រើនរូបក៏បានរងរបួសនៅក្នុង ហេតុការវាយប្រហារពីបាតុករផងដែរ។
ទីក្រុង Seattle ក្លាយទៅជាទីតាំង បាតុកម្មប្រឆាំងការរើសអើងជាតិសាសន៍ ដែលស្មុគស្មាញបំផុតនៅអាមេរិក អំពើហិង្សាជាប្រព័ន្ធ បានកើតឡើងរវាងក្រុមជនជាតិស្បែកខ្មៅនិងកម្លាំងសន្តិសុខក្រោយការស្លាប់ បុរសស្បែកខ្មៅGeorge Floyd។
ប្រធានាធិបតី ដូណាល់ ត្រាំ បានលើកឡើងនៅក្នុងបទសម្ភាសន៍ជាមួយ បណ្តាញព័ត៌មានFox News ថា លោកនឹងបញ្ជូនកម្លាំង ទាហាន៧៥ពាន់នាក់ទៅកាន់បណ្តារដ្ឋ របស់អាមេរិក ទប់ការ អំពើហិង្សាកើតឡើង។
ជាមួយគ្នានេះដែរ នៅក្នុងរដ្ឋតិចសាស មានបាតុករម្នាក់
រងការបាញ់សម្លាប់ ពេលព្យាយាមចូលទៅក្បែររថយន្តមួយគ្រឿង ហើយអ្នកបើកបរក៏បានផ្ទុះអាវុធតែម្តង។ ហេតុការណ៍ខាងលើកើតឡើងនៅវេលាម៉ោង ១០ យប់ថ្ងៃទី ២៥ខែកក្កដា (ម៉ោងនៅអាមេរិក) ស្ថិតនៅតំបន់ Austin រដ្ឋតិចសាស៕
