ខេត្តបន្ទាយមានជ័យ៖ ជម្លោះពាក្យសម្ដី បុរសចាប់ម៉ូយដាក់រថយន្តម្នាក់ត្រូវអ្នករត់រ៉ឺម៉កម៉ូតូកង់បីម្នាក់ បានកាប់ឲ្យរបួសធ្ងន់បង្កឲ្យមានការភ្ញាក់ផ្អើល កាលពីវេលាម៉ោង ៧និង១៥យប់នាទី ថ្ងៃទី១ ខែកុម្ភ: ឆ្នាំ២០១៦ នៅមុខអតីត:ស្ថានីយ៍រថភ្លើងចាស់ ស្ថិតក្នុងភូមិប៉ោយប៉ែត សង្កាត់និងក្រុងប៉ោយប៉ែត ខេត្តបន្ទាយមានជ័យ ។
ជនរងគ្រោះដែលអ្នករត់រម៉កកង់បីកាប់នោះមានឈ្មោះ សុខ សិទ្ធ ភេទប្រុស អាយុ៣៨ឆ្នាំ ស្នាក់នៅភូមិអូរជ្រៅ សង្កាត់ប៉ោយប៉ែត ។ ជនបង្កអ្នករត់ម៉ូតូរ៉ីម៉កកង់បី មិនទាន់ស្គាល់ អត្តសញ្ញាណឡើយ ។ ជនបង្កអ្នករត់ម៉ូតូរម៉កកង់បី មិនទាន់ស្គាល់អត្តសញ្ញាណឡើយ ចំណែកជនរងគ្រោះដែលជនបង្កកាប់២កាំបិតប៉័ងតោ ចំក្បាលបណ្តាលឲ្យហូរឈាមស្រោចខ្លួន ។
ប្រភពបានឲ្យដឹងថា មុនកើតហេតុគេឃើញ ជនសង្ស័យនិងជនរងគ្រោះ ឈ្លោះប្រកែកគ្នាយ៉ាងខ្លាំងធ្វើឲ្យជនបង្កទប់កំហឹងមិនបានក៏កើតជាហិង្សាទាញកាំបិតកាប់ជនរងគ្រោះបណ្តាលឲ្យរបួសធ្ងន់តែម្តង ។
ក្រោយកើតហេតុ ជនសង្ស័យបានរត់គេចខ្លួនបាត់ប៉ុន្តែទោះជាយ៉ាងណា សមត្ថកិច្ចបានកំណត់អត្តសញ្ញាណ ជនសង្ស័យបានហើយ និងកំពុងតែស្វែងរកតាមចាប់យកមកចាត់ការតាមផ្លូវច្បាប់ ៕
ដោយ៖ វណ្ណា