នៅវេលាម៉ោង៨និង១៥នាទីព្រឹក ថ្ងៃទី០៦ខែសីហា ដែលជាពេលវេលាអាមេរិកទម្លាក់គ្រាប់បែកបរមាណូដំបូងគេនៅទីក្រុងហ៊ីរ៉ូស៊ីម៉ាប្រទេសជប៉ុន។ នៅព្រឹកថ្ងៃទី៦ខែសីហានេះជប៉ុនរៀបចំពិធីគោរពវិញ្ញាណក្ខន្ធ ៧៥ឆ្នាំ ដល់ពលរដ្ឋប្រមាណ 140.000នាក់ ដែលបានស្លាប់ដោយគ្រាប់បរមាណូរបស់អាមេរិក ។
តាមគម្រោង អ្នកដែលនៅរស់ក្រោយទម្លាក់គ្រាប់បែកបរមាណូ និងសាច់ញ្ញាតិ រួមទាំងមន្ត្រីរដ្ឋាភិបាលបានចូលរួម ពិធីគោរពវិញ្ញាណក្ខន្ធ ហើយអំពាវនាវដល់ពិភពលោកទាំងមូល មានសន្តិភាព។ ពិធីនេះបានកាត់បន្ថយចំនួនអ្នកចូលរួមដោយសារតែ ការឆ្លងរាលដាលកូវីដ១៩ ប៉ុន្តែបានផ្សាយផ្ទាល់លើបណ្តាញទូរទស្សន៍
សារព័ត៌មានAFPបានដកស្រង់សម្តីអភិបាលក្រុង ហុីរ៉ូស៊ីម៉ា លោក Kazumi Matsui បញ្ជាក់ថា ពិធីគោរពវិញ្ញាណក្ខន្ធ ជារៀងរាល់ឆ្នាំ គឺដើម្បីអំពាវនាវឲ្យពិភពលោក មានសន្តិភាពបញ្ចប់សង្គ្រាម។
អ្នកចូលរួមបានគោរពវិញ្ញាណក្ខន្ធ នៅវេលាម៉ោង៨ និង១៥នាទីជាពេលដែលគ្រាប់បែកបរមាណូដំបូង ឈ្មោះ “Little boy” ទម្លាក់ទៅលើទីក្រុងហ៊ីរ៉ូស៊ីម៉ា អភិបាលក្រុង បានបញ្ជាក់ផងដែរថា ទៅក្រុងនេះមានការរីកចម្រើនឡើងវិញដោយសារតែសាស្មារតីមគ្គីភាពរបស់ពលរដ្ឋ។ សារព័ត៌មាន Japan Times បានផ្សាយថា នៅក្នុងសុន្ទរកថារបស់នាយករដ្ឋមន្ត្រី ស៊ីនហ្សូអាបេ គឺប្រទេសនីមួយៗចាំបាច់ត្រូវតែលុបចោលទស្សនៈខ្វះភាពជឿជាក់ ហើយត្រូវតែមានទំនុកចិត្តគ្នាតាមរយៈកិច្ចពិភាក្សា៕
