ភ្នំពេញ៖ បុរសម្នាក់បានរងរបួសធ្ងន់ដោយសារតែរួបគេកំពុងជិះម៉ូតូហើយត្រូវបានរថយន្តតាកូម៉ាបើកបុកពីក្រោយពេញទំហឹងហើយរុញទៅខ្ទប់និងរថយន្តកូរ៉េខណះធ្វើដំណើរស្របគ្នា ។
ហេតុការណ៍នេះបានកើតឡើងកាលពី៨យប់ ថ្ងៃទី២ ខែកុម្ភៈ ឆ្នាំ២០១៦ នៅចុះណុចមុខស្ថានីយ៍ប្រេងឥន្ទះតេលា តាមបណ្តោយផ្លូវវេងស្រេ ភូមិចោមចៅ សង្កាត់ចោមចៅ ខណ្ឌពោធិ៍សែនជ័យ។
តាមសាក្សីនៅកន្លែងកើតហេតុបានអោយដឹងថានៅមុនពេលកើតហេតុគេបានឃើញជនរងគ្រោះជិះម៉ូតូម៉ាកវីវ៉ា ពណ៌ខ្មៅ ពាក់ស្លាកលេខ ភ្នំពេញ 1M 5323 ធ្វើដំណើរតាមបណ្តោយវេងស្រែង ក្នុងទិសដៅពីកើតទៅលិច ខណៈមកដល់ចំណុចកើតហេតុស្រាប់តែមានរថយន្តម៉ាកតាកូម៉ាមិនចាំស្លាកលេខធ្វើដំណើរមកពីក្រោយក្នុងល្បឿនលឿនបានបុកពេញទំហឹងហើយបានរុញទៅបុកខ្ទប់និងរថយន្តកូរ៉េមួយគ្រឿងទៀតដែលធ្វើដំណើរស្របគ្នាបណ្តាលអោយអ្នកជិះម៉ូតូរងរបួសធ្ងន់ ។
សាក្សីដដែលបានបន្តថា បានបន្តថាបន្ទាប់ពីបង្កគ្រោះថ្នាក់ចរាចរណ៍រួចរថយន្តបង្កទាំងរថយន្តកូរ៉េបានបើកគេចខ្លួនបាត់អស់។
ក្រោយពេលកើតហេតុជនរងគ្រោះត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗចំណែកម៉ូតូត្រូវបានសមត្ថកិច្ចយកទៅរក្សាទុកនៅទីស្នាក់ការនគរបាលប៉ុស្តិ៍ចោមចៅដើម្បីរង់ចាំក្រុមគ្រួសារយកឯកសារដែលពាក់ពាន់មកយកម៉ូតូទៅវិញ៕
ដោយ៖ សុខាសែនជ័យ