ការប្រកួតដណ្តើមពានរង្វាន់អង់គ្លេស FA Cup ក្នុងរដូវកាល២០២០–២០២១ ត្រូវបានកាត់បន្ថយដោយមិនមានការប្រកួតជុំច្រើនដូចរដូវកាលមុនទេ នៅក្នុងប្រតិទិនសម្រាប់ការប្រកួត ។

ចំណែកការប្រកួតដែលនឹងចាប់ផ្តើម នៅថ្ងៃទី១ ខែកញ្ញា ហើយវគ្គផ្តាច់ព្រ័ត្រគ្រោងនឹងធ្វើឡើងនៅកីឡដ្ឋាន Wembley នាថ្ងៃទី១៥ ខែឧសភាឆ្នាំ ២០២១ គឺជាការប្រកួតវគ្គពាក់កណ្តាលផ្តាច់ព្រ័ត្រអង់គ្លេស League Cup ដែលធ្វើឡើងតែមួយជើងទេ ពោលគឺគ្មានការប្រកួតក្នុងទឹកដី និងក្រៅទឹកដីឡើយ។

ការប្រកួតអង់គ្លេស League Cup ជុំទី១គ្រោងនឹងធ្វើនៅថ្ងៃទី៥ខែកញ្ញា ខណៈដែលការប្រកួត៣ ជុំបន្ទាប់នឹងត្រូវប្រកួតនៅរៀងរាល់ពាក់សប្តាហ៍ចាប់ពីថ្ងៃទី១៥–១៦ ខែកញ្ញា។ ដោយឡែកប្រាក់រង្វាន់ FA Cup ត្រូវបានកាត់បន្ថយពាក់កណ្តាលចាប់ពីឆ្នាំ២០១៩–២០២០នេះ ហើយត្រូវបានលុបចោលវគ្គជម្រុះមួយចំនួននៅរដូវកាលក្រោយ ដោយសារតែផលប៉ះពាល់ផ្នែកហិរញ្ញវត្ថុនៃជំងឺរាតត្បាតកូវីដ-១៩។

ការចាប់រង្វាន់សម្រាប់ការប្រកួតវគ្គដំបូងពានរង្វាន់ FA Cup និងការប្រកួតជុំទី១ នៃ EFL Cup នឹងធ្វើឡើងនៅថ្ងៃទី១៨ខែសីហា។ ចំណែកការប្រកួតវគ្គផ្តាច់ព្រ័ត្រ EFL Cup នឹងធ្វើឡើងនៅកីឡដ្ឋាន Wembley នាថ្ងៃទី២៨ ខែកុម្ភៈ ឆ្នាំ២០២១។ ដោយឡែកពានរង្វាន់ EFL Trophy នឹងចាប់ផ្តើមនៅថ្ងៃទី៨–៩ ខែកញ្ញា ជាមួយនឹងវគ្គផ្តាច់ព្រ័ត្រនៅកីឡដ្ឋាន Wembley ដែរ នៅថ្ងៃទី១៤ ខែមីនា ឆ្នាំ២០២១ ៕ដោយ៖ភារៈ