ពិធីការិនីទូរទស្សន៍ដ៏ស្រស់ស្អាតរបស់អុីតាលី នាង DilettaLeottaបានបដិសេធនូវព័ត៌មានដែលថានាងមានចំណងស្នេហ៍ជាមួយនឹងកីឡាករZlatan Ibrahimovic របស់ក្លិបAC Milan។
ពួកគេទាំងពីរបានជួបគ្នាពេលថតផ្សាយពាណិជ្ជកម្មឲ្យក្រុមហ៊ុនសំភារៈកីឡា Buddyfit។ ហើយពេលថ្មីនេះពួកគេទាំងពីរត្រូវបានគេឃើញទៅភោជនីដ្ឋានមួយកន្លែងជាមួយគ្នានៅលើកោះ SardiniaជាទីដែលនាងDiletta Leotta ធ្វើខួបកំណើតវ័យ២៩ឆ្នាំរបស់ខ្លួន។
ការសែតអុីតាលី បានចេញផ្សាយដោយដាក់រូបពួកគេទាំងពីរក្រោមចំណងជើងថា “គូរស្នេហ៍ដ៏ភ្ញាក់ផ្អើលប្រចាំរដូវក្តៅ”។ ការសែតនេះក៏បានអះអាងថាពួកគេកំពុងតែមានទំនាក់ទំនងស្នេហាទៀតផង។
ប៉ុន្តែអ្នកតំណាងរបស់នាងDiletta Leotta បានចេញមកបដិសេធចំពោះការអះអាងនេះដោយនិយាយIbra និង Diletta ពុំមានទំនាក់ទំនងស្នេហ៍នឹងគ្នាឡើយ។
ខ្សែប្រយុទ្ធសញ្ជាតិស៊ុយអែត Zlatan Ibrahimovicវ័យ៣៨ឆ្នាំ កំពុងរស់នៅជាមួយនឹងភរិយា Helena Segerវ័យ៤៩ឆ្នាំអស់រយះពេល១៨ឆ្នាំហើយ ដោយពួកគេមានកូនប្រុស២នាក់ឈ្នោះ Maximilian និង Vincent។
Ibrahimovicយល់ព្រមលេងឲ្យក្រុម AC Milanរយះពេល១ឆ្នាំទៀតក្រោយរកបាន១១គ្រាប់សម្រាប់រដូវកាលចាស់បន្ទាប់ពីផ្លាស់ពីក្រុមMLS របស់អាមេរិក៕ ដោយ៖ ធី រីណា
