ខ្សែប្រយុទ្ធជើងចាស់របស់ក្លិប Barcelona កីឡាករ Lionel Messi បានស្នើសុំចាកចេញពីក្លិបយក្សនៅអេស្ប៉ាញមួយនេះនៅរដូវក្តៅនេះហើយ។

កីឡាករអន្តរជាតិអាហ្សង់ទីនវ័យ៣៣ឆ្នាំបានផ្ញើទូរសារទៅក្លិបកាលពីថ្ងៃអង្គារដោយនិយាយថា គាត់មានបំណងចង់និយាយពីកិច្ចសន្យារបស់គាត់ដែលអនុញ្ញាតឱ្យគាត់ចាកចេញដោយសេរីដោយមានប្រសិទ្ធិភាពភ្លាមៗសម្រាប់រដូវក្តៅខាងមុខ។

ទោះយ៉ាងណា Barcelona ជឿជាក់ថា ការស្នើសុំនេះបានផុតកំណត់ហើយ ហើយ Messi នឹងត្រូវបន្តកុងត្រាជាមួយក្លិបរហូតដល់ឆ្នាំ២០២១ ជាមួយនឹងថ្លៃពលកម្ម៧០០លានអឺរ៉ូ។

ក្រុមប្រឹក្សាភិបាលនឹងជួបគ្នាក្នុងពេលឆាប់ៗខាងមុខនេះហើយអ្នកខ្លះពិចារណារឿងតែមួយគត់ដែលអាចធ្វើឱ្យ Messi ខកចិត្តគឺការលាលែងពីតំណែងរបស់ប្រធានក្លិប និងការបោះឆ្នោតជ្រើសរើសប្រធានថ្មី។ ប៉ុន្តែ Messi ហាក់ដូចជាប្តេជ្ញាថានឹងចាកចេញពីក្លិបមិនថាមានបញ្ហាអ្វីក៏ដោយ។

ម្ចាស់ពានរង្វាន់ Ballon d’Or ចំនួន៦ដងបានបង្ហាញខ្លួនជាលើកដំបូងឲ្យBarcelona កាលពីឆ្នាំ២០០៤ និងធ្លាប់ជួយក្លិបឈ្នះជើងឯក Champions League ៤ដង។

សូមបញ្ជាក់ថា ក្រុមខ្លាំង Barcelona ត្រូវក្រុម Bayern Munich បំបាក់ ៨-២ ក្នុងវគ្គ៨ ក្រុមចុងក្រោយនៃពានរង្វាន់ Champions League កាលពីថ្ងៃទី១៦ សីហាកន្លងទៅ ហើយក្រុមយក្សនៅអេស្ប៉ាញមួយនេះក៏បរាជ័យក្នុងការដណ្តើមពានរង្វាន់ La Liga នៅរដូវកាលនេះផងដែរ ដោយពាននេះធ្លាក់ទៅលើក្រុមយក្ស Real Madrid ៕ដោយ៖ភារៈ