នាយករដ្ឋមន្ត្រីជប៉ុនលោកអាបេ បានចូលសម្រាកព្យាបាលនៅមន្ទីរពេទ្យ នៃមហាវិទ្យាល័យ Keio ។ ការចូលព្យាបាលក្នុងមន្ទីរពេទ្យគឺ ក្រោយលោកអាបេប្រកាសលាលែងចេញពីតំណែងបានពីរសប្តាហ៍ប៉ុណ្ណោះ ។
កន្លងមក លោកអាបេបាននៅក្នុងមន្ទីរពេទ្យKeio នាថ្ងៃទី២៤ខែសីហា ដើម្បីត្រួតពិនិត្យសុខភាព។ ក្រោយការត្រួតពិនិត្យក្រុមគ្រូពេទ្យបានស្នើឲ្យលោកលាឈប់ពីការងារដើម្បីព្យាបាលជំងឺ។
នាយករដ្ឋមន្ត្រីអាបេ បានបញ្ជាក់ថា លោកមិនចង់ឲ្យជំងឺរបស់លោកប៉ះពាល់ដល់ការដឹកនាំប្រទេស និងដោះស្រាយបញ្ហាសំខាន់ៗនោះទេ។ លោកអាបេបានបញ្ជាក់ថា «ខ្ញុំមិនអាចធ្វើជានាយរដ្ឋមន្ត្រីបានឡើយ បើមិនអាចសម្រេចគោលនយោបាយសំខាន់ៗបាននោះ។ ទាំងនោះហើយទើបខ្ញុំសម្រេចចិត្តលាលែងចេញពីតំណែង ។
លោកអាបេបានកាន់អំណាចរយៈពេល ២.៨៨៧ថ្ងៃ គឺជានាយករដ្ឋមន្ត្រីកាន់អំណាចយូរឆ្នាំបំផុតនៅជប៉ុន ។ នៅថ្ងៃទី១៤ខែកញ្ញាខាងមុខ គណបក្សកាន់អំណាចនឹងបោះឆ្នោតជ្រើសរើសមេដឹកនាំថ្មី៕ដោយ៖ធី រីណា
