ខេត្តព្រះសីហនុ៖ យុវជនម្នាក់បានរងរបួសធ្ងន់(បាក់ជើងស្តាំ) បន្ទាប់ពីជិះម៉ូតូទៅបុករថយន្ត កាលពីវេលាម៉ោង២០និង៥២ នៅចំនុចផ្លូវបំបែមុខរោងចក្រស្រាបៀរវៀតណាម ក្រុងព្រះសីហនុ ស្ថិតក្នុងភូមិ០១សង្កាត់លេខ០១ ក្រុងព្រះសីហនុ។
យោងតាមប្រភពពីសមត្ថកិច្ចចរាចរណ៏ខេត្តព្រះសីហនុ បានគូសបញ្ជាក់ថា នៅវេលាកើតហេតុខាងលើមានករណីគ្រោះចរាចរណ៏មួយកើតឡើងដែលបង្ករឡើងដោយ ម៉ូតូម៉ាក ស្មាស់រីវូពណ៍ខ្មៅ គ្មានស្លាកលេខ បើកបរដោយឈ្មោះ ហួត ចាន់ រ៉ា ភេទ ប្រុស អាយុ៣៣ មានទីលំនៅសង្កាត់លេខ៣ ក្រុងព្រះសីហនុ បានជិះទៅបុករថយន្តម៉ាកឡុចស៊ិស ពណ៍ស្ករ ពាក់ស្លាកលេខ ភ្នំពេញ 2U -3591 បើកដោយឈ្មោះទួត សេងធា ភេទប្រុស ។
ប្រភពដ៍ដែលបានបន្តថា នៅមុនកើតហេតុ រថយន្តម៉ាកម៉ាកឡុចស៊ិស ពណ៍ស្ករ ដែលមានអ្នករួមដំណើរក្នុងរថយន្ត០៣នាក់ផ្សេងទៀត បានបើកចូលមកក្រុងព្រះសីហនុ ក្នុងទិសដៅពីភ្នំពេញមកក្រុងព្រះសីហនុហើយបានបត់ឆ្វេង ត្រង់ចំនុចកើតហេតុដែលជាផ្លូវបំបែក ក៏មានម៉ូតូមួយគ្រឿងជិះម្នាក់ ក្នុងទិសដៅពីក្រុងព្រះសីហនុទៅភ្នំពេញ បានបុករថយន្តតែម្តង បណ្តាលអោយរងរបួសធ្ងន់ម្នាក់ ។
ក្រោយកើតហេតុ ទាំងរថយន្ត និង ម៉ូតូ ត្រូវបានសមត្ថកិច្ចយកទៅរក្សាទុកនៅការិយាល័យចរាចរណ៏រងរចាំការដោះស្រាយ ឯជនរងគ្រោះ ត្រូវបានបញ្ជូនទៅកាន់គ្លីនិចឯកជន៕
ដោយ៖ ឆ្លាម សមុទ្រ
