ប្រទេសអង់គ្លេសប្រាកដជាស្ថិតក្នុងចំណោមប្រទេសកំពូលៗទាំង១០របស់អឺរ៉ុបនៅពេលដែលការចាប់ឆ្នោតនេះត្រូវបានធ្វើឡើងសម្រាប់ការប្រកួតវគ្គជម្រុះ World Cup ឆ្នាំ២០២២ នៅថ្ងៃទី៧ ខែធ្នូខាងមុខ។

ប្រទេសចំនួន៥៥នៅអឺរ៉ុបនឹងចូលរួមប្រកួតវគ្គជម្រុះក្នុងតំបន់អឺរ៉ុបដោយមានក្រុមចំនួន៥ ដែលមាន៦ ប្រទេស និងក្រុមចំនួន៥ទៀត មាន៥ប្រទេស។

ទ្វីបអឺរ៉ុបមាន១៣កៅអីសម្រាប់ការប្រកួត World Cup ឆ្នាំ២០២២ ដែលនឹងត្រូវលេងនៅប្រទេសកាតាចន្លោះពីថ្ងៃទី២១ ខែវិច្ឆិកាដល់ថ្ងៃទី១៨ ខែធ្នូ។ ដោយឡែកការប្រកួតជម្រុះ World Cup នៅទ្វីបអាហ្វ្រិក, អាស៊ី និងអាមេរិកខាងត្បូងកំពុងដំណើរការហើយ។

ការចាប់ឆ្នោតសម្រាប់ក្រុមជម្រុះ World Cup តំបន់អឺរ៉ុបនឹងត្រូវធ្វើឡើងនៅទីស្នាក់ការកណ្តាលរបស់ FIFA ក្នុងទីក្រុង Zurich ប្រទេសស្វ៊ីសនៅថ្ងៃទី៧ ខែធ្នូ ឆ្នាំ២០២០។ ការចាប់ឆ្នោតសម្រាប់វគ្គជម្រុះនេះនឹងផ្អែកលើចំណាត់ថ្នាក់ពិភពលោករបស់ប្រទេសនីមួយៗដែលនឹងត្រូវចេញផ្សាយនៅចុងខែវិច្ឆិកាខាងមុខ ហើយប្រទេសអង់គ្លេសគឺជាក្រុមខ្លាំងមួយដែលទទួលបានចំណាត់ថ្នាក់លេខ៤កាលពីប្រកួតWorld Cup ឆ្នាំ២០១៨ ដែលប្រទេសរុស្ស៊ីធ្វើជាម្ចាស់ផ្ទះ ៕

ដោយ៖ ភារៈ