ភ្នំពេញ៖ លោក សុខ ពេញវុធ អភិបាល នៃគណៈអភិបាលខណ្ឌដូនពេញ នៅថ្ងៃសុក្រ ១៤ កើត ខែកត្តិក ឆ្នាំជូត ទោស័ក ពស ២៥៦៤ ត្រូវនឹងថ្ងៃទី៣០ ខែតុលា ឆ្នាំ២០២០ បានអញ្ជើញដឹកនាំ កម្លាំងគណៈបញ្ជាការឯកភាពរដ្ឋបាលខណ្ឌដូនពេញ បន្តចុះរៀបចំ សន្តិសុខ សណ្តាប់ធ្នាប់ របៀបរៀបរយសាធារណៈ ជូនបងប្អូនប្រជាពលរដ្ឋ ដែលអញ្ជើញមកលេងកំសាន្ត ក្នុងមូលដ្ឋានខណ្ឌ និង រៀបចំចំណតទូកទេសចរណ៍ អោយមានសណ្តាប់ធ្នាប់ល្អ នាឱកាសថ្ងៃឈប់សម្រាក ព្រះរាជពិធីបុណ្យអុំទូក ថ្ងៃទី១ ។

ក្នុងឱកាសនេះ រដ្ឋបាលខណ្ឌដូនពេញ បានបញ្ជាក់ថា សម្រាប់យប់ថ្ងៃទី១នេះឃើញថា មានបងប្អូនប្រជាពលរដ្ឋប្រមាណ ៤០%-ទៅ៥០% បើប្រៀបធៀប ទៅនឹងព្រះរាជពិធីបុណ្យអុំទូក (ថ្ងៃទី១ ឆ្នាំមុន) បានមកលេងកំសាន្ត នៅតាមបណ្តោយសួនច្បារច្រាំងទន្លេមុខព្រះបរមរាជវាំង និង ទីសប្បាយភាពផ្សេងៗទៀត ក្នុងមូលដ្ឋានខណ្ឌដូនពេញ ប្រកបដោយស្នាមញញឹម និង ភាពរីករាយ ៕ដោយ៖ស តារា