កំពង់ឆ្នាំង ៖ មនុស្សក្មេងចាស់ប្រុសស្រី៣នាក់ត្រូវបានភ្លើងសាំងឆេះរលាកពេញខ្លួនបណ្តាលឲ្យរងរបួសធ្ងន់និងស្រាលក្នុងហេតុការណ៍ឆេះដបសាំងកាលពីវេលាម៉ោងជាង៧ព្រឹក ថ្ងៃទី២ ខែវិច្ឆិកា ឆ្នាំ២០២០នៅភូមិកោះធំ ឃុំព្រៃគ្រី ស្រុកជលគិរី ខេត្តកំពង់ឆ្នាំង ។
សមត្ថកិច្ចបានឲ្យដឹងថា ជនរងគ្រោះដែលត្រូវភ្លើងសាំងឆេះរលាកពេញខ្លួននោះទី១.ឈ្មោះ ស្រី សុភ័ក្រ អាយុ ៣១ ឆ្នាំ ភេទស្រី
ទី២.ឈ្មោះ ធឿន សុម៉ាលី អាយុ២ឆ្នាំ និងទី៣.ឈ្មោះ ធូ ស្រីលីន អាយុ១០ឆ្នាំ ភេទស្រី រស់នៅភូមិឃុំកើតហេតុខាងលើ ។
សមត្ថកិច្ចបានឲ្យដឹងថា នៅមុនពេលកើតហេតុ ជនរងគ្រោះឈ្មោះស្រេងធូ ជាឪពុក បានយកដបសាំងមកចាក់ដុតស្រម៉ោច ពេលចាក់សាំងដុតនោះ ស្រាប់តែឆាបឆេះដបសាំងដែលកំពុងកាន់នៅនឹងដៃ ពេលនោះភ័យខ្លាំងពេកក៏ក្រវេងដបសាំងចេញពីខ្លួនទៅត្រូវកូនស្រីនិងចៅ ចំនួន៣នាក់ដែលឈរក្បែរខ្លួនតែម្តង ក្រោយពេលកើតហេតុ ក៏ដឹកជនរងគ្រោះយកទៅមណ្ឌលសុខភាព ព្រៃគ្រី ។ ចន្ថា
