អតីតអ្នកចាំទី Fabien Barthez របស់បារាំងបានវិលត្រឡប់មកកាន់ក្លិបToulouse របស់បារាំងវិញពេញមួយរដូវកាលនេះក្នុងតួនាទីជាអ្នកប្រឹក្សាយោបល់ផ្នែកអ្នកចាំទី។

លោក Barthez នឹងធ្វើការជាមួយគ្រូបង្វឹកអ្នកចាំទី Patrice Garande និងជានាយកសាលា Denis Zanko សម្រាប់ក្លិបនៅ Ligue 2 ដែលគាត់បានបង្ហាញខ្លួនជាកីឡាករអាជីពនៅឆ្នាំ១៩៩១ ។

បន្ទាប់ពីចាកចេញពី Toulouse នៅឆ្នាំបន្ទាប់លោក Barthez បានបន្តជួយក្លិបឈ្នះពានរង្វាន់ Champions League ជាមួយ Marseille និងពាន Premier League ពីរជាមួយ Manchester United បន្ទាប់ពីចូលរួមប្រកួតពានរង្វាន់ពិភពលោកឆ្នាំ១៩៩៨ និងយូរ៉ូឆ្នាំ២០០០ឲ្យជម្រើសជាតិបារាំងផងដែរ។

លោក Barthez បាននិយាយថា “ចំណង់ចំណូលចិត្តសុទ្ធរបស់ខ្ញុំបានជំរុញឱ្យខ្ញុំវិនិយោគខ្លួនឯងក្នុងតួនាទីជាអ្នកប្រឹក្សាយោបល់។ ខ្ញុំមានបំណងចង់បង្ហាញនិងចែករំលែកទស្សនៈរបស់ខ្ញុំអំពីជំហរនេះទាំងស្រុងដោយសហការជាមួយបុគ្គលិកបច្ចេកទេសសម្រាប់អ្នកចាំទីក្រុមដំបូង។ ខ្ញុំសូមថ្លែងអំណរគុណដល់លោកប្រធានក្លិប Comolli ក្រុមការងារគ្រប់គ្រងក៏ដូចជាលោក Patrice Garande លោក Rudy Riou និងលោកស្រី Denis Zanko សម្រាប់ការជឿជាក់និងការស្វាគមន៍របស់ពួកគេ”។

ក្លិបToulouse ត្រូវបានកាត់ចោលទៅលីគទី២របស់បារាំង បន្ទាប់ពីធ្លាក់ចេញពីលីគកំពូលបារាំងកាលពីខែមេសា។ បច្ចុប្បន្នក្លិបស្ថិតនៅចំណាត់ថ្នាក់លេខ៩ បន្ទាប់ពីឈ្នះ៤លើកស្មើ៣លើកចាញ់៣លើកក្នុងចំណោមការប្រកួត១០លើកដែលមាន១៥ពិន្ទុ ៕ដោយ៖ភារៈ