ខេត្តកំពង់ធំ៖ បុរសម្នាក់បើករថយន្តល្បឿនលឿនដូចព្រួញធ្លាក់ពីលើថ្នល់ចូលទៅស្រះដល់គ្មានទឹកក្រឡាប់ច្រើនត្រឡប់ផ្ងាជើងឡើង លើតៃកុងវបួសស្រាល គ្រោះថ្នាក់ចរាចរណ៍ នេះបានកើតឡើងកាលវេលាម៉ោង៥ និង១២ល្ងាចថ្ងៃទី១៥ខែកុម្ភៈឆ្នាំ២០១៦តាមបណ្តោយផ្លូវជាតិលេខ6 ស្ថិតនៅភូមិស៊ីវត្ថា ឃុំប្រាសាទ ស្រុកសន្ទុក ខេត្តកំពង់ធំ។

ប្រភពព័ត៌មាននៅកន្លែងកើតហេតុបានដឹងថាមុនពេលកើតហេតុគេឃើញរថយន្តCorola ពណ៍ស ពាក់ស្លាកលេខ ភ្នំពេញ2B-8034ធ្វើចេញដំណើរពីជើងទៅត្បូងបើកបរយ៉ាងលឿនលុះដល់កន្លែងកើតហេតុគេឃើញអូសប្រាំង ប្រមាណជិត100ម៉ែត្រ រួចហើយក៍ក្រឡាប់ចូលស្រះផ្ងាជើង ឡើងលើ បណ្តាលអោយតៃកុងរងរបួសស្រាលបញ្ជូនទៅព្យាបាលនៅមន្ទីរពេទ្យ មណ្ឌលសុខភាពតាំងក្រសាំង។

លោកសឿងភា មេប៉ុស្តិ៍ឃុំប្រាសាទបានឲ្យដឹងថាជនរងគ្រោះ ដែលជាអ្នកបើកបររថយន្តឈ្មោះចាន់ស៊ីណាក់ អាយុ21ឆ្នាំរស់នៅភូមិសង្គមថ្មី ឃុំតាំង ក្រសាំង ស្រុកសន្ទុក។

បច្ចុប្បន្នរថយន្តសមត្ថកិច្ចបានស្ទូចយកទៅរក្សាទុកនៅអធិការដ្ឋាននគរបាលស្រុកសន្ទុក រងចាំម្ចាស់ទៅទទួលទៅជួសជួល៕

ដោយ៖ ប៊ុន រិទ្ធី