ខេត្ដព្រៃវែង៖ ករណីឃាតកម្មដ៏ សាហាវមួយបានកើតឡើងដោយសិស្ស ថ្នាក់ទី១១នៃវិទ្យាល័យព្រៃពោនម្នាក់ បានយកចំពុះទុងកាំភ្លើងចាក់យុវសិស្ស ម្នាក់ទៀតបណ្ដាលឱ្យបាត់បង់ជីវិតក្រោយ ពេលបញ្ជូនដល់មន្ទីរពេទ្យ ។
ឃាតកម្មដ៏សាហាវនេះបានកើត ឡើងកាលពីវេលាម៉ោង៩និង៥៥នាទីព្រឹក ថ្ងៃទី១៥ ខែកុម្ភៈ ឆ្នាំ២០១៦ នៅត្រង់ ចំណុចខាងកើតវិទ្យាល័យព្រៃពោន ស្ថិត ក្នុងភូមិព្រៃពោន ឃុំព្រៃពោន ស្រុក កំពង់ត្របែក ខេត្ដព្រៃវែង ។
ប្រភពពីសមត្ថកិច្ចបានឱ្យដឹងថា ជន ដៃដល់ឈ្មោះលី សុធីរៈ ភេទប្រុស អាយុ ១៧ឆ្នាំ ជាសិស្សរៀននៅវិទ្យាល័យព្រៃ ពោន ថ្នាក់ទី១១D រស់នៅភូមិឃុំខាង លើ។ ចំណែកជនរងគ្រោះឈ្មោះជុំ រីឆាត អាយុ១៩ឆ្នាំ ជាសិស្សនៃវិទ្យាល័យព្រៃ ពោនដូចគ្នា រស់នៅភូមិរលួស ឃុំចាម ស្រុកកំពង់ត្របែក ខេត្ដព្រៃវែង ។
ប្រភពដដែលបានបន្ដឱ្យដឹងថា កន្លង មកយុវជនទាំងពីរនាក់នេះធ្លាប់មាន ទំនាស់ពាក្យសម្ដីនឹងគ្នាបន្ដិចបន្ដួចដែរ ហើយក៏កើតមានគំនុំ។ លុះដល់ថ្ងៃទី១៥ ខែកុម្ភៈ ឆ្នាំ២០១៦ នៅពេលចេញលេង ជុំ រីឆាត បានដើរចេញមកក្រៅរបង សាលា។ ពេលនោះ លី សុធីរៈ ឃើញ ឱកាសល្អក៏បានដកចំពុះទុងកាំភ្លើងចេញ ពីកាតាបចាក់ទៅលើឈ្មោះ ជុំ រីឆាត បណ្ដាលឱ្យរងរបួសធ្ងន់រហូតដល់ស្លាប់ រួចគេចខ្លួនបាត់តែម្ដង ។
បច្ចុប្បន្នជនដៃដល់សមត្ថកិច្ចកំពុង តាមស្វែងរកចាប់ខ្លួនដើម្បីកសាងសំណុំ រឿងតាមនីតិវិធី។ ចំណែកសពក្រោយ ពេលពិនិត្យ និងធ្វើកោសល្យវិច័យ រួច បានប្រគល់ឱ្យក្រុមគ្រួសារធ្វើបុណ្យតាម ប្រពៃណី ៕
ដោយ៖ សហការី
