ខេត្តប៉ៃលិន៖ នគរបាលក្រុងប៉ៃលិនបានបង្ក្រាបទីតាំងជួញដូរគ្រឿងញៀន រហូតឈានដល់ការឃាត់ខ្លួនបុរសសង្ស័យម្នាក់ រួមជាមួយវត្ថុតាងថ្នាំញៀន៤កញ្ចប់នាំយកមកកសាងសំណុំរឿងបញ្ជូនទៅតុលាការចាត់ការតាមនីតិវិធី ។
ករណីនេះបានកើតឡើងកាលពីវេលាម៉ោង៥និង១៥នាទីល្ងាច ថ្ងៃទី១៧ ខែកុម្ភៈ ឆ្នាំ២០១៦ ស្ថិតនៅចំណុចផ្ទះជនសង្ស័យតែម្តង ក្នុងភូមិប៉ាហ៊ីត្បូង សង្កាត់ប៉ៃលិន ក្រុងប៉ៃលិន ខេត្តប៉ៃលិន ។
នគរបាលក្រុងប៉ៃលិនបានឱ្យដឹងថា បុរស សង្ស័យ ឈ្មោះចឹក វែង អាយុ៣២ឆ្នាំ មុខរបរកសិករ រស់នៅភូមិ ឃុំ កើតហេតុខាងលើ ។ ជាមួយការឃាត់ខ្លួន សមត្ថកិច្ចបានរកឃើញវត្ថុតាងគ្រឿងញៀនប្រភេទម៉ាទឹកកក ៤កញ្ចាប់ តូចនៅក្នុងកញ្ចាប់បារី ដែលជនសង្ស័យយកនៅបោះចោលដើម្បីបំបិទភស្តុតាងផងដែរ ៕
ដោយ៖ ស សារ៉េត
