ខេត្តកំពង់ស្ពឺ ៖ ជនសង្ស័យបីនាក់ ពាក់ព័ន្ធនិងករណីគ្រឿងញៀន ត្រូវបានកម្លាំងនៃអធិការដ្ឋាននគរបាលស្រុកសំរោងទង ធ្វើការឃាត់ខ្លួនបាននៅថ្ងៃទី២០ ខែធ្នូឆ្នាំ២០២០ វេលាម៉ោង១០:១០នាទី នៅចំណុចខាងជើងភូមិអណ្ដូងស្លា ឃុំតាំងក្រូច ស្រុកសំរោងទង ខេត្តកំពង់ស្ពឺ ។
សមត្ថកិច្ចបានឲ្យដឹងថាដំបូងកម្លាំងបានល្បាតនៅចំនុចខាងលើ ហើយបានឃាត់ខ្លួនជានសង្ស័យម្នាក់ឈ្មោះ ម៉ន ម៉ក ភេទប្រុសអាយុ២៨ឆ្នាំ រស់នៅភូមិអង្គតាម៉ៅ ឃុំតាំងក្រូច ស្រុកសំរោងទង ខេត្តកំពងស្ពឺ ដកហូត ម្សៅក្រាមពណ៌សសង្ស័យជាគ្រឿងញៀចំនួន១កញ្ចប់ តូច ម៉ូតូចំនួន1គ្រឿង។
ក្រោយធ្វើការសាកសួរជនសង្ស័យខាងលើបានសារភាពថាគ្រឿងញៀនរបស់ខ្លួនទិញពីឈ្មោះ សាយ គីមរ៉ាន់ ហៅដុស ភេទប្រុស អាយុ៣១ឆ្នាំរស់នៅភូមិអណ្ដូងស្លា ឃុំកាំងក្រូច ស្រុកសំរោងទង ខេត្តកំពងស្ពឺ ក្រោយមកកំលាំងបានបន្តធ្វើការឃាត់ខ្លួនជនសង្ស័យជួញដូរគ្រឿងញៀនបានចំនួន២នាក់ បន្ថែមទៀត ១-ឈ្មោះ សាយ គីមរ៉ាន់ ហៅដុសភេទប្រុស​ អាយុ៣១ឆ្នាំរស់នៅភូមិអណ្ដូងស្លា ឃុំតាំងក្រូច ស្រុកសំរោងទង ខេត្តកំពងស្ពឺ ២-ឈ្មោះសាន សម្បត្តិ ភេទប្រុសអាយុ៣០ឆ្នាំ រស់នៅភូមិអណ្តូងស្លា ឃុំតាំងក្រូច ស្រុកសំរោងទង ខេត្តកំពង់ស្ពឺ និងធ្វើការដកហូតម្សៅក្រាមពណ៌សថ្លាសង្ស័យជាគ្រឿងញៀចំនួន33កញ្ចប់ (តូច២៨កញ្ចប់ ៥កញ្ចប់មធ្យម) ទូរស័ព្ទដដៃចំនួន1គ្រឿង
បច្ចុប្បន្នជនសង្ស័យ និងវត្ថុតាងត្រូវបានកំលាំងជំនាញនៃអធិការដ្ឋានស្រុកដើម្បីកសាងសំណុំរឿងតាមនិតិវិធី៕

ដោយ ៖ ស សម