ភ្នំពេញ​៖​ រថយន្តឡិចស៊ិសRX300បេីកឆ្លងផ្លូវមិនប្រយ័ត្នជ្រុលបុកជាមួយម៉ូតូស្មាស់បណ្តាលឲ្យរងការខូចខាតតែសំណាងមិនមានមនុស្សរងរបួស។ 

ហេតុការណ៍​នេះបានកេីតឡេីងកាលពីវេលាម៉ោង៩និង៣០នាទីយប់​ ថ្ងៃទី២១​ ខែធ្នូ​ ឆ្នាំ២០២០​ នៅចំណុចមុខរ៉ុក​ តាមបណ្តោយផ្លូវព្រះមុនីវង់​ កែងផ្លូវលេខ៤៧៤​ ស្ថិតក្នុងសង្កាត់បឹងត្របែក​ ខណ្ឌចំការមន​។ 

តាមសាក្សីនៅកន្លែងកេីតហេតុបានឃេីញឲ្យដឹងថា​ មុនពេលកេីតហេតុគេបានឃេីញរថយន្តស៊េរីទំនេីបម៉ាកឡិចស៊ិស​ RX300​ ពណ៌ស​ ពាក់ស្លាកលេខកម្ពុជា​ SN 8788 ធ្វេីដំណេីរតាមបណ្តោយផ្លូវលេខ៤៧៤​ ក្នុងទិសដៅពីលិចទៅកេីតខណះមកដល់ចំណុចកេីតហេតុក៏ឆ្លងផ្លូវព្រះមុនីវង់បត់ឆ្វេងភ្លាមនោះស្រាប់តែមានម៉ូតូម៉ាកស្មាស់ពណ៌ខ្មៅ​ ពាក់ស្លាកលេខភ្នំពេញ1AS 1587 បេីកបរដោយបុរសជនជាតិបារាំងម្នាក់ធ្វេីដំណេីរតាមបណ្តោយផ្លូវព្រះមុនីវង់ក្នុងទិសដៅពីជេីងទៅត្បូងដោយចាប់ហ្វ្រ័ងមិនទាន់ក៏ជ្រុលបុកចំពីមុខបណ្តាលឲ្យបាក់កាងតែមិនមានមនុស្សរងរបួសនោះទេ។ 

ក្រោយកេីតហេតុភាគីទាំងសងខាងបានសម្រួលគ្នាដោយយកទៅជួសជុលរៀងខ្លួន៕ដោយ៖សុខាសែនជ័យ​