ភ្នំពេញ ៖ ជនសង្ស័យ២នាក់ជិះម៉ូតូមួយគ្រឿងធ្វើសកម្មភាពឆក់យកទូរស័ព្ទពីបុរសម្នាក់កំពុងអង្គុយលើម៉ូតូនៅមុខហាងមួយកន្លែងបានសម្រេច ហើយព្យាយាមជិះម៉ូតូរត់គេចខ្លួនត្រូវជនរងគ្រោះជិះដេញតាម រួចបុកពីក្រោយពេញទំហឹងបណ្ដាលឲ្យម៉ូតូជនសង្ស័យជាចោរឆក់ប៉ើងទាំងម៉ូតូទៅលើចិញ្ចេីមផ្លូវ បណ្ដាលឲ្យជនសង្ស័យម្នាក់បែកក្បាលរងរបួសធ្ងន់ត្រូវសមត្ថកិច្ចបញ្ជូនទៅសង្គ្រោះនិងម្នាក់ទៀតត្រូវសមត្ថកិច្ចចាប់វាយខ្នោះយកទៅខណ្ឌចំការមន ។
ហេតុការណ៍នេះបានបង្កការភ្ញាក់ផ្អេីលកាលវេលាម៉ោង១១និង២០នាទីយប់ ថ្ងៃអង្គារទី២៩ ខែធ្នូ ឆ្នាំ២០២០ ស្ថិតនៅតាមបណ្ដោយផ្លូវលេខ១៦៣ កែងនិឹងផ្លូវលេខ៣១០ ក្នុងសង្កាត់អូឡាំពិក ខណ្ឌបឹងកេងកង រាជធានីភ្នំពេញ ។
សង្ស័យទី១មានឈ្មោះ ហេង ភេទប្រុស អាយុ១៦ឆ្នាំ មុខរបរសិស្ស ជាអ្នកអង្កុយខាងក្រោយសម្រាប់ឆក់ស្នាក់នៅម្ដុំផ្សារដើមថ្កូវ ខណ្ឌចំការមន។ ជនសង្ស័យទី២មិនទាន់ស្គាល់អត្តសញ្ញាណនៅឡើយដោយនិយាយមិនរួច រងរបួសធ្ងន់ និងជាអ្នកឌុប។ ចំណែកជនរងគ្រោះមានឈ្មោះ ហុង ស៊ីវលាំង ភេទប្រុស អាយុ២០ឆ្នាំ មុខរបររត់តុនៅម្ដុំផ្សារបឹងកេងកង ខណ្ឌបឹងកេងកង។
តាមសម្ដីជនរងគ្រោះបានឲ្យដឹងថា មុនពេលកើតហេតុគាត់អង្គុយលើម៉ូូតូរបស់គាត់ម៉ាកស្មាស់រីវ៉ូ ពណ៌ខ្មៅលាយទឹកក្រួច ពាក់ស្លាកលេខភ្នំពេញ 1AM -4205 នៅមុខហាងមួយកន្លែងជិតផ្សាររង្វល់មូលផ្សារដើមថ្កូវ ខណៈពេលនោះក៏លេចមុខជនសង្ស័យជាចោរឆក់២នាក់ជិះម៉ូតូវ៉េវ ពណ៌ទឹកក្រូច ពាក់ស្លាកលេខ រាជការស៊េរីចាស់ មកធ្វើសម្មភាពឆក់យកទូរស័ព្ទរបស់គាត់ម៉ាកអាយហ្វូន១១ប្រូបានសម្រេចហេីយព្យាយាមជិះគេចខ្លួន តែរូបគាត់បានជិះម៉ូតូដេញតាមពីក្រោយរហូតមកដល់ចំណុចកើតហេតុខាងលើរូបគាត់បានជិះម៉ូតូបំបុកពីក្រោយប៉ើងទាំងម៉ូតូនិងជនសង្ស័យទៅមុខផ្ទះប្រជាពលរដ្ឋបណ្ដាលឲ្យជនសង្ស័យជាអ្នកឌុបរងរបួសធ្ងន់បែកក្បាលហូរឈាមនិងម្នាក់ជាអ្នកឆក់រងរបួសបែកមុខមាត់ត្រូវសមត្ថកិច្ចវាយខ្នោះយកទៅអធិការដ្ឋានខណ្ឌបឹងកេងកង។ ដោយឡែកជនសង្ស័យដែលរបួសធ្ងន់ត្រូវបញ្ជូនទៅសង្គ្រោះភ្លាមៗ រីឯរូបគាត់ក៏របួសក្បាលជង្គុង់ផងដែរ ។
ក្រោយកើតហេតុ ជនសង្ស័យខាងលេីត្រូវសមត្ថកិច្ចនាំខ្លួនយកទៅអធិការដ្ឋាននគរបាលខណ្ឌបឹងកេងកងដេីម្បីសាកសួរនិងកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមច្បាប់ ៕
ដោយ៖ ភារ៉ា ដង្កោ
