ក្លិបលីគកំពូលអេស្ប៉ាញ Atletico Madrid បានបញ្ជាក់ថា កិច្ចព្រមព្រៀងមួយជាមួយខ្សែប្រយុទ្ធ Diego Costa ត្រូវបានឈានដល់បញ្ចប់កិច្ចសន្យារបស់គាត់បន្ទាប់ពីខ្សែប្រយុទ្ធរូបនេះបានស្នើសុំជាផ្លូវការ កាលពីថ្ងៃអាទិត្យសប្តាហ៍មុន។ នេះបើយោងតាមការចុះផ្សាយរបស់សារព័ត៌មានអេស្ប៉ាញ Marcaកាលពីថ្ងៃទី៣០ ធ្នូ។

អនុស្សាវរីយ៍នៃការប្រកួតចុងក្រោយសម្រាប់អ្នកគាំទ្រក្លិប Atletico Madridគឺជាការប្រកួតដែលកីឡាករវ័យ៣២ឆ្នាំរូបនេះទទួលបានបាល់ពិន័យ១១ម៉ែត្រទៅលើក្រុម Elche ហើយបន្ទាប់មកការបង្ហាញខ្លួនជំនួសនៅ Real Sociedadនៅថ្ងៃបន្ទាប់។

ឆ្នាំ២០២០ មិនមែនជារឿងល្អសម្រាប់កីឡាករ Diego Costa ទេដែលត្រូវប្រឈមនឹងបញ្ហារបួសដែលធ្វើឱ្យគាត់មិនអាចបង្ហាញខ្លួនអស់រយៈពេលជាច្រើនខែ ខណៈពេលថ្មីៗនេះគាត់មានរបួសដុំសាច់ធ្ងន់ធ្ងរដែលជាផលរំខាននៃការធ្វើតេស្តវិជ្ជមានសម្រាប់ជំងឺកូវីដ-១៩ផងដែរ។ បញ្ហាកាន់តែធ្ងន់ធ្ងរនេះជាហេតុផលដែលគ្រួសារស្នើសុំឱ្យគាត់បញ្ចប់កិច្ចសន្យារបស់គាត់រយៈពេល៦ខែមុនសំណើដែល ក្លិបបានទទួលយក។

• ការប្រកាសនេះនាំមកនូវការបញ្ចប់លើកទី២របស់ Costa នៅឯ AtleticoMadrid ដែលមិនសូវទទួលបានជោគជ័យជាងលើកទី១ ។ មុនពេលចាកចេញទៅ Chelsea នៅឆ្នាំ២០១៤ Costa បានរកគ្រាប់បាល់៦៤គ្រាប់ក្នុង១៣៤ប្រកួតនៅ Atletico Madrid។ ចាប់តាំងពីវិលត្រឡប់មកពីក្លិបChelsea វិញកីឡាកររូបនេះអាចរកបានគ្រាប់បាល់តែ១៩គ្រាប់ប៉ុណ្ណោះក្នុង៨១ប្រកួត ៕    

ដោយ៖ភារៈ