លោក Manuel Pellegriniគ្រូបង្វឹករបស់ក្រុមManchester Cityបានប្រាប់ ដល់អ្នកគាំទ្ររបស់ខ្លួនថា ការប្រកួតជាមួយនឹងក្រុមតោខៀវ យប់នេះ មិនមែនជាការប្រកួតពិតប្រាកដ ឬការប្រកួតសំខាន់ ឡើយ ដែលធ្វើឲគាត់ផ្លាស់ប្តូរកីឡាករជាច្រើននៅក្នុងយប់នេះ។
ក្រុមតោខៀវChelseaជាម្ចាស់ផ្ទះពេលជួបក្រុមManchester Cityក្នុង កម្មវិធីអង់គ្លេស FA Cupជុំទី៥នៅម៉ោង១១យប់ក្នុងប្រទេសកម្ពុជា។ គ្រូបង្វឹកសញ្ជាតិឈីលី Manuel Pellegriniបានថ្លែងថា គាត់ត្រូវបង្ខំចិត្ត ដាក់កីឡាករឈុតក្រោមវ័យ២១ឆ្នាំរហូតដល់ទៅ៥នាក់រួមមានកីឡាករ Bersant Celina និង Manu Garcia។
ក្រុមManchester City ត្រូវធ្វើដំណើរទៅប្រទេសអ៊ុយគ្រែននៅពាក់កណ្តាលសប្តាហ៍លេងក្នុងកម្មវិធី Champions League ហើយត្រូវប៉ះក្រុមហង្សក្រហម Liverpool នៅទឹកដីWembley នៅថ្ងៃអាទិត្យក្នុងកម្មវិធីអង់គ្លេស Capital One Cup វគ្គផ្តាច់ព្រ័ត្ត។