អន្តរជាតិ៖ បេីយោងតាមការចេញផ្សាយរបស់សារព័ត៌មាន Reuters នៅថ្ងៃទី០៦ ខែមករា ឆ្នាំ២០២១នេះថា​ តុលាការឧទ្ធរណ៍នៃប្រទេសអ៉ីតាលី​ បានបញ្ជាឱ្យក្រុមហ៊ុន Facebook ធ្វើការបង់ប្រាក់ចំនួន ៣,៨៣លានអឺរ៉ូ (៤,៧០លាន ដុល្លារអាមេរិក) ជាសំណង បន្ទាប់ពីរកឃើញថាក្រុមហ៊ុន Facebook បានលួចចម្លង កម្មវិធី (App) របស់ក្រុមហ៊ុនមួយក្នុងប្រទេសអ៊ីតាលី។

តុលាការឧទ្ធរណ៍នៃប្រទេសអ៉ីតាលី​ បានបញ្ជាក់ប្រាប់ទីភ្នាក់ងារសារព័ត៌មាន Reuters ថា៖ ក្រុមហ៊ុន អាមេរិកជាច្រើនបានលួយចម្លងនូវមុខងារ «Nearby» របស់កម្មវិធីទូរស័ព្ទ Faround របស់អ៊ីតាលី ដែលប្រើសេវាកម្ម និងផ្ដល់ភាព ងាយស្រួលដល់អ្នកប្រើប្រាស់ក្នុងការស្វែងរកក្លឹប ភោជ្ជនីយដ្ឋាន និងហាងលក់ទំនិញផ្សេងៗ រួមជាមួយនឹងទីតាំង (Google Map) ។

ដោយឡែកជុំវិញនឹងករណីខាងលេីនេះដែរ តុលាការឧទ្ធរណ៍មិនបានបញ្ជាក់ថា ក្រុមហ៊ុនអាមេរិកណាខ្លះដែលត្រូវបង់ប្រាក់នោះទេគ្រាន់តែបញ្ជាឱ្យ Facebook បង់ប្រាក់ តាមចំនួនដូចខាងលើ ដើម្បីបញ្ចប់ក្ដី ខណៈដែលអ្នកនាំពាក្យរបស់ Facebook បានបញ្ជាក់ថានៅពេលនេះក្រុមហ៊ុនកំពុងតែ ពិនិត្យ និងពិចារណា៕ដោយ៖ស​ តារា