សៀមរាប :ជនសង្ស័យម្នាក់ត្រូវបានកម្លាំងអធិដ្ឋាននគរបាលស្រុកលើកដែកឃាត់ខ្លួននៅថ្ងៃពុធ ៨រោច ខែបុស្ស ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី ០៦ ខែមករា ឆ្នាំ២០២១ ជាប់ពាក់ពន្ធ័ករណីរំលោភសេពសន្ថវៈ។
សមត្ថកិច្ចបានឲ្យដឹងថាករណីរំលោភសេពសន្ទវៈខាងលើបានកើតឡើងថ្ងៃសុក្រ ៣រោច ខែបុស្ស ឆ្នាំជូត ទោស័កព.ស២៥៦៤ត្រូវនឹងថ្ងៃទី១ ខែមករា ២០២១ ចន្លោះវេលាម៉ោង១៨ ទៅម៉ោង ២០និង០០ នាទីស្ថិតនៅចំណុច មណ្ឌលវិបស្សនាធុរៈទួលសាលាវគ្គ ក្នុងភូមិកណ្ដាល ឃុំសណ្ដារ ស្រុកលើកដែក ខេត្តកណ្ដាល។
ជនរងគ្រោះឈ្មោះ ប្រ-ស ព-ស ហៅ កាប៉ប់ អាយុ១៨ឆ្នាំ ជនជាតិខ្មែរ មុខរបរ កសិករ មានទីលំនៅ ភូមិក្អមសំណលើ ឃុំក្អមសំណ ស្រុកលើកដែក ខេត្តកណ្តាល ។
ជនសង្ស័យឈ្មោះ ខេង ផល្លី ភេទប្រុសអាយុ ២៦ឆ្នាំ ជនជាតិខ្មែរ មានទីលំនៅភូមិបឹងក្រោម ឃុំខ្ពបអាទាវ ស្រុកលើកដែកខេត្តកណ្តាល ។
សមត្ថកិច្ចបានបញ្ជាក់ឲ្យដឹងទៀតថាប្រហែលជាកន្លះខែមុនជនរងគ្រោះ បានឆាតទាក់ទងគ្នា(ហ្វេសប៊ុក)ជាមួយជនសង្ស័យ ។លុះមកដល់ថ្ងៃទី១ ខែមករា ឆ្នាំ២០២១ វេលាម៉ោងចន្លោះ ១៨ និង ០០ នាទី ជនសង្ស័យ បានឆាតមកជនរងគ្រោះដោយបបួលថាទៅលេងអ្នកលឿង ពេលនោះជនរងគ្រោះ ក៏ព្រមឲ្យជនសង្ស័យមកយកនៅផ្ទះរបស់ខ្លួន ដល់ម៉ោងប្រហែល ១៨ និង ៣០ នាទី ជនសង្ស័យក៏មកដល់ ហើយជនរងគ្រោះក៏ឡើងជិះម៉ូតូជាមួយជនសង្ស័យ ឡើងទៅលើ ពេលទៅដល់មណ្ឌលវិបស្សនាធុរៈទួលសាលាវគ្គ ស្ថិតក្នុងភូមិកណ្ដាល ឃុំសណ្ដារ ស្រុកលើកដែក ខេត្តកណ្ដាល ជនសង្ស័យបានឌុបជនរងគ្រោះ ចូលទៅក្នុងមណ្ឌលវិបស្សនាធុរៈទួលសាលាវគ្គ រួចធ្វើសកម្មភាពចាប់រំលោភសេពសន្ថវៈទៅលើជនរងគ្រោះរហូតបានសម្រេច ក្រោយពីធ្វើសកម្មភាពរួច ជនសង្ស័យបាន ទុកជនរងគ្រោះចោល រួចបានឡើងជិះម៉ូតូរបស់ខ្លួនគេចខ្លួនបាត់ ។ លុះមកដល់ថ្ងៃទី២ ខែមករា ឆ្នាំ២០២១ លាម៉ោងប្រហែល១៧ និង៣០នាទីម្ដាយរបស់ជនរងគ្រោះបានជជីកដេញដោលជនរងគ្រោះ ហើយជនរងគ្រោះខ្លាចមានផ្ទៃពោះក៏រៀបរាប់រឿងរ៉ាវ ដែលជនសង្ស័យបានចាប់រំលោភទៅលើខ្លួនប្រាប់ទៅម្ដាយ ។ ក្រោយពីទទួលបាននូវរឿងរ៉ាវដែលកូនបានប្រាប់ខាងលើ ម្ដាយជនរងគ្រោះបាននាំជនរងគ្រោះមកកាន់ប៉ុស្តិ៍រដ្ឋបាលក្អមសំណរដើម្បីធ្វើការសាកសួរ ។ លុះព្រឹកឡើងថ្ងៃទី៣ ខែមករា ឆ្នាំ២០២១ ម្ដាយជនរងគ្រោះបានមកដាក់ពាក្យបណ្ដឹងនៅប៉ុស្តិ៍រដ្ឋបាលក្អសំណរតែម្ដង ។
ក្រោយពីទទួលបានបណ្ដឹងប៉ុស្តិ៍រដ្ឋបាលបានរាយការណ៍ជូនផ្នែកជំនាញ ហើយផ្នែកជំនាញក៏បានចុះមកធ្វើការសាកសួរ និងបន្តការស្រាវជ្រាវ ។
លុះមកដល់ថ្ងៃទី៦ ខែមករា ឆ្នាំ២០២១វេលាម៉ោង៩ និង៣០នាទីកម្លាំងបានប្រទះឃើញជនសង្ស័យជិះម៉ូតូនៅឃុំខ្ពបអាទាវកម្លាំងក៍បានឃាត់ជនសង្ស័យបញ្ជូនមកកាន់អធិការដ្ឋានដើម្បីបន្តនិតិវិធី៕ដោយ ស សម
