ប្រទេសអុីរ៉ាក់: ជនវាយប្រហារគ្រាប់បែកអត្តឃាតលើកទីមួយ បន្លំខ្លួនជាឈឺ ដើរចូលក្នុងផ្សារ ហើយក៏បានបំផ្ទុះគ្រាប់បែក បណ្តាលឲ្យមានមនុស្សជាច្រើននាក់បានស្លាប់ក្នុងថ្លុកឈាម។ ក្រោយមកក៏មានជនវាយប្រហារគ្រាប់បែកទីពីរ នៅក្នុងផ្សារនោះដដែល។
ក្រសួងមហាផ្ទៃអ៊ីរ៉ាក់ នៅថ្ងៃទី២១ ខែមករា បានឲ្យដឹងថា, ចំនួនអ្នកស្លាប់ដោយការវាយប្រហារគ្រាប់បែក នៅក្នុងផ្សារ Tayaran ក្នុងទីក្រុងបាតដាត បណ្តាលឲ្យមានមនុស្ស ២៨ នាក់ស្លាប់ និង៧៣នាក់រងរបួស។ ចំនួនអ្នកស្លាប់និងបន្តកើនឡើងខ្ពស់ ជាបន្តទៀត។
មកទល់ពេលនេះ មិនទាន់មានក្រុមណាមួយចេញមុខទទួលស្គាល់ពីការវាយប្រហារខាងលើនៅឡើយទេ។ ក្រុមប្រឆាំងភេរវកម្មកំពុងតែបើការស្រាវជ្រាវករណីខាងលើ។
នេះជាករណីវាយប្រហារគ្រាប់បែកនៅរដ្ឋធានីអ៊ីរ៉ាក់ ទ្រង់ទ្រាយធំ ក្រោយពេលទាហានអាមេរិក ប្រកាសទទួលបានជោគជ័យក្នុងសង្គ្រាមប្រឆាំងក្រុមរដ្ឋអ៊ីស្លាម នៅឆ្នាំ ២០១៧។
ការវាយប្រហារកន្លងមក គឺនៅខែមិថុនា ឆ្នាំ២០១៩ បណ្តាលឲ្យមនុស្ស ស្លាប់ជាច្រើនផងដែរ។ កាលពីខែមករាឆ្នាំ២០១៨ ការវាយប្រហារគ្រាប់បែកអត្តឃាត នៅទីតាំង Tayaran បណ្តាលឲ្យមនុស្ស ៣០នាក់ស្លាប់៕
ដោយ, ធី រីណា
